Akademi Kreyòl Ayisyen lanse aktivite pou selebre Jounen Entènasyonal lang manman

1
224

Jeudi 6 février 2020 ((rezonodwes.com))– Akademi Kreyòl Ayisyen lanse ofisyèlman aktivite pou selebre Jounen Entènasyonal lan manman. Se jounen mèkredi 5 fevriye a AKA òganize seremoni sila a nan lokal li devan divès reprezantan laprès ak patnè li yo.

Nan okazyon an, Prezidan Akademi an Pierre-André PIERRE esplike rezon ki fè AKA chwazi tèm ane a ki se : « Respekte Lang Manman timoun yo, se respekte dwa yo !» Prezidan an mete aksan sou enpòtans lang manman an dwe nan lavi chak Ayisyen.

Madam Stéphanie ST-LOUIS ki se reprezantan Ministè Kilti te pran lapawòl nan sikonstans lan tou pou l raple angajman Ministè a pran pou l kore selebrasyon mwa Lang Manman an epi tou pale sou enpòtans kreyòl genyen nan pratik atistik yo nan peyi a, nan edikasyon nou…

Seremoni an te fini ak lekti yon tèks Atis, konpozitè, pawolye Pierre Rigaud CHERY ekri pou selebrasyon Lang Manman an.

1 COMMENT

  1. Nou gen yon akademi ki pa jwe wol li nan peyi a vre.poukisa nou kontinye ap sèvi ak vye res liv fransė? Poukisa edikasyon an pa anseye an kreyol ak mete tout liv yo an kreyol .Tout lwa ki swa lwa manman peyi a an fransė, lwa finans pa janm an kreyol , dekrè ak lwa yo tout edite an fransè.nou vle pale de akademi oubyen demagoji. Si gen yon akademi poukisa nou kontinye ap konbat lang kreyol ak fransė ki enpeche nou fe pwogrè.Tout nasyon pale lang yo , nou menm nap fose pale fransè.Donk Akademi an pa jwe wol li.

LEAVE A REPLY

Please enter your comment!
Please enter your name here

Ce site utilise Akismet pour réduire les indésirables. En savoir plus sur comment les données de vos commentaires sont utilisées.