Visite Kenneth Merten : Communiqué de l`ambassade américaine!

1. SOLISYON AYISYÈN POU SOTI NAN KRIZ POLITIK AK ELEKTORAL LA
   Men pwopozisyon, kandida Platfòm Politik VERITE pou pòs Depite nan komin Sent Sizàn nan eleksyon lejislativ 2015 yo, pou rezoud kriz politik ak elektoral peyi a.
   Mwen li ak tande tout pwopozisyon pou soti nan kriz la, mwen tande tout komantè ak tout kritik tout sektè ak aktè yo fè (Opozisyon, Pouvwa, Kandida, Sosyete Sivil, Òganizasyon dwa moun, Jounalis, Direktè opinyon, Sitwayen ak sitwayèn angaje sitou nan komin Sent Sizàn).
   Pwopozisyon pam nan pa yon levanjil men mwen panse li ka pèmet tout aktè politik yo (pouvwa ak opozisyon) al sou wout pou rezoud kriz peyi a nan yon espri patriyotik ak konpwomi. Konsa peyi ta soti nan kriz konjonktirèl ak estriktirèl li twouve l depi kek tan. Mwen vle pwopoze yon solisyon san vyolans, san rache manyòk ni konsève statikwo. Yon pwopozisyon ki chita an pati sou baz konstitisyon 1987 amande a epi ki gen yon valè reprezantativ. Men pa bliye nou pa nan respè konstitisyon an sitou pwosesis ak echeans elektoral yo depi nan lane 2008. Ki donk nou dwe adopte sam ta rele teori deksepsyon « exceptionnalisme ».
   Mwen pwopoze :
   1. Prezidan Michel Martelly dwe jwe wol leadership li nan yon gwo chita pale politik fomèl ak tout sektè politik ak tout 54 kandida prezidan nan eleksyon 2015 .
   2. Chita pale sa a ta dwe debouche sou yon Konferans Nasyonal ak tout fòs politik, sosyal, ekonomik, entelektyèl, relijye ak kiltirèl peyi a pou rezoud kriz politik striktirèl la)
   3. Pandan negosyasyon sa yo, KEP a ap kontinye ak eleksyon lejislativ yo, minisipal ak kolektivite yo
   4. KEP a dwe kanpe pwosesis elektoral la pou eleksyon prezidan yo
   5. Antre an fonksyon 2è lendi Janvye 2016 tout eli ki soti nan eleksyon lejislativ 2015 yo.
   6. 7 fevrye 2016 depa konstitisyonèl (1987 amande) Prezidan Michel Martelly
   7. Asanble nasyonal la pwal chwazi nan lespri Atik 149 konstitisyon amande a yon nouvo prezidan ki pou prete sèman 7 fevrye 2016 pou yon manda de 2 lane. Pa bliye nou nan yon sitiyasyon deksepsyon.
   8. Fòme yon Gouvènman Konsansis ak Sali Piblik ki dwe soti nan negosyasyon politik fomèl ki tap menmen an ak tout sektè politik yo sitou ak 54 kandida yo.
   9. Gouvenman Konsansis sa ap antre an fonksyon an Mas 2016 pou jis antre an fonksyon nouvo Gouvenman ki pwal soti nan refòm konstitisyonèl 2017 la.
   10. Manb Gouvènman Konsansis ak Sali Piblik la ak Prezidan eli pa asanble nasyonal la pap ka patisipe kòm kandida nan eleksyon jeneral 2017 ki pwal oganize sou refòm konstitisyonèl la.
   11. Pandan tout egzistans Gouvènman Konsansis ak Sali Piblik la, peyi a ap dirije sou baz Konstitisyon 1987 amande a nan tout sa ki pa kontrè ak lespri e dinamik akò ak negosyasyon pilitik souvren (konferans nasyonal la).
   12. KEP a dwe oganize eleksyon endirèk yo nan mwa Me 2016 epi manda l ta dwe pwan fen nan mwa septanm 2016.
   13. Nouvo Prezidan eli pa asanble nasyonal la ak Gouvènman Konsansis ak Sali Piblik la ap kontinye ak Konferans Nasyonal la ki dwe akouche nan mwa Out 2016 (fen konferans la) yon dokiman oubyen (et/ou) liy direktiv klè sou :
   a) refondasyon leta ayisyen,
   b) refòm konstitisyonèl ak Konsèy Elektoral Pèmanan ki ta dwe retounen ak mekanis ki te prevwa nan atik 192 Konstitisyon 1987 la,
   c) depa fòs militè etranje yo. Minista ak tout lòt fòs militè etranje dwe kite Ayiti nan mwa Oktòb 2018,
   d) pak gouvènabilite pou 25 lane ki chita sou yon sistèm demokrasi konstitisyonèl nan respè lalwa, enstitisyon nasyonal solid, ak souverènte nasyonal nan entèdepandans mondyal,
   e) ranfosman Fòs Polis nasyonal la ak sou dekrè Oktob 2015 nan sou FADH. Ayiti sipoze bay tèt li 2 fòs sa yo pou sekirite nasyonal peyi a e pou l retabli diyite l antan ke Eta lib e endepandan,
   f) demisyon ak depa antisipe palman an an Janvye 2018. Menm jan ak depa pou Prezidan eli pa asanble nasyonal an Janvye 2018. Refòm konstitisyonèl sa dwe gen objektif prensipal redwi kantite eleksyon nan peyi a, amonize tan elektoral ak tan konstitisyonèl la pou eli yo nan sistèm politik la, rezoud yon fwa pou tout kriz sistèm elektoral ak rejim konstitisyonel la (Pwopozisyon Daly Valet Oktob 2014 : manda 4 lane pou prezidan ak 5 lane pou Senatè, Depite ak Majistra. Prezidan an ap kapab fè 2 manda maksimòm youn apre lòt a travè eleksyon prezidansyèl chak 4 lane. Sa t ap bay tout Prezidan nèf posibilite fè yon grenn eleksyon pandan 4 lane manda l. Eleksyon sa t ap fèt jisteman apre premye ane manda l. Nan kad teyori dwa konstitisyonel ki rele « Parlementarisme rationalisé » a, Prezidan an t ap kabap mennen kanpay pou mande pèp la ba l yon majorite Depite ak Senatè pou sipòte pwogram li nan Palman an e genyen yon Premye minis ki gen yon baz lejislatif majòritè pou l byen gouvène.
   14. Konstitisyon refome a ap kenbe prensip Konsèy Konstitisyonèl la ki nan Konstitisyon 1987 amande a.
   15. Konferans Nasyonal la ap mete sou pye yon Gwoup Konsiltatif pèmanan ki pral veye sou aplikasyon liy direktiv ki soti nan antant nasyonal la. Gwoup sa pral gen ladan l reprezantan chak sektè ki te patisipe nan Konferans Nasyonal la Gwoup konsiltatif la ap pwopoze moun ki pou ale nan Konsèy Konstitisyonel la. Konsèy Konstitisyonèl la ap prete sèman an septanm 2016. Nouvo enstitisyon sa pral pilye nouvo Repiblik sa ki pral chita sou yon sistèm demokrasi konstitisyonel stab
   16. Palman an dwe travay daprè liy direktiv dokiman Konferans Nasyonal la epi Vote yon Refòm Konstitisyonèl oubyen nouvèl konstitisyon peyi Dayiti a avan Avril 2017.
   17. Fomasyon ak enstalasyon Konsèy Elektoral Pèmanan avan mwa Jen 2017. Refòm Konstitisyonèl la ap retounen ak mekanis ki te prevwa nan atik 192 Konstitisyon 1987 la. Asanble Depatmantal yo dwe sèvi baz patisipatif nasyonal pou fòmasyon Konsèy Elektoral Pèmanan an.
   18. Septanm 2017 demisyon sou baz lespri lwa elektoral 2008 la, 10 Senatè sa yo kite an fonksyon depi 2011 nan imedyatman apre adopsyon Refòm Konstitisyonèl la ak vòt nouvèl lwa elektoral 2017 la, lwa elektoral sa-a ta dwe pwan ankont vòt elektronik ak dat òganizasyon eleksyon yo selon atik 134.2 nan konstitisyon 1987 amande a .
   19. Nouvo KEP a (Konsèy Elektoral Pèmanan) dwe òganize eleksyon jeneral nan peyi a pou tout pòs elektif nan mwa Oktòb 2017. Konsa Ayiti pwal chita tout bon vre sou yon nouvo ajenda de nòmalizasyon politik, elektoral ak konstitisyonòl ki estriktirèl kap pote estabilite
   20. Premye Prezidan kap eli nan Konstitisyon refome a ap prete sèman 7 fevriye 2018.
   21. Nouvo Palmantè yo kap eli nan Konstitisyon refome a ap antre an fonksyon dezyèm lendi mwa janvye 2018.
   « La vie d’un homme politique ne serait pas accomplie s’il ne contribuerait pas à la stabilité politique et au progrès social et économique de son pays »

   Viv yon lòt Ayiti!
   Ke Bondye beni nou ak tout peyi Dayiti!

   Dr Samson Marseille
   Spécialiste en Médecine Communautaire,
   Epidémiologiste, Niveau maitrise,
   Candidat à la Députation,
   Commune Sainte Suzanne, Nord-est
   Plateforme Politique VERITE
   Tel : 37887133 / 33943248 / 48902035
   Samsito811@yahoo.fr ou samsito811@gmail.com

   10 Décembre 2015

   Reply

Ce site utilise Akismet pour réduire les indésirables. En savoir plus sur comment les données de vos commentaires sont utilisées.