Nan kèlke jou se 17 me, se jou mondyal Telekominikasyon ak Teknoloji Enfòmasyon an, ki gen tèm pou a ne 2025 ** »Egalite ant gason ak fanm nan transfòmasyon dijital la« **.
Men, nan peyi nou, sitou pou jèn ki gen lavni yo menase ak aktivite gang ame kriminèl ki okipe anpil nan zòn Pòtoprens ak wout nasyonal yo, tèm sa a pa sanble two konsène yo.
Pou fanmi ki gen chwa ant « kite peyi a » oswa viv anba menas touye, kidnapin, ak tòti, « Inovasyon dijital pou devlopman dirab » sonje byen lwen.
Se poutèt sa, nou pwopoze yon tèm ki pi adapte ak sitiyasyon jodi an :
Kijan aktè sektè Telekominikasyon ak Teknoloji Enfòmasyon ann Ayiti kapab kontribye nan batay peyi a kont menas gang ame kriminèl yo?
Nan moman n ap eseye yon nouvo fòm pouvwa (prezidans kolejyal), nou idantifye **10 aksyon ijan** pou sektè piblik ak prive :
1. **Ranfòse sekirite enfrastrikti** : Mete gad, kamera, ak sistèm ala pou pwoteje antèn, sant done, ak lòt enstalasyon.
2. **Kowòdinasyon ak otorite lokal** : Travay ansanm ak lapolis ak lòt otorite pou pataje enfòmasyon sou menas.
3. **Fòmasyon pou anplwaye** : Aprann pèsonèl yo kijan pou reyaji nan ka atak.
4. **Devlope pwotokòl ijan** : Kreye plan sekirite ak evakyasyon pou pèsonèl ak enstalasyon.
5. **Siveyans ak pwoteksyon rezo** : Detekte entwizyon ak anpeche gang yo deranje sèvis telekominikasyon.
6. **Kolaborasyon ak kominote lokal** : Idantifye zòn ki gen plis risk epi elabore estrateji sekirite.
7. **Relasyon ak otorite sekirite** : Travay dirèkteman ak lapolis ak lame pou reponn pi vit.
8. **Sansibilizasyon piblik** : Fè moun konnen risk gang yo epi ankouraje patisipasyon kominotè.
9. **Envestisman nan teknoloji sekirite** : Achte kamera entelijan, sistèm deteksyon, ak lòt ekipman pou pwoteje sit kritik.
10. **Patisipasyon nan inisyativ sekirite sektè a** : Pataje bon pratik ak lòt aktè sektè Telecom.
Marcelin Montaigne