Frank mouri,
N ap kite l ale,
Zetwal yo limen,
Pou l ka trase chemen l.
Lalin koube ba li,
Van chwichwi non li,
Tapi wouj syèl la,
Deja pare pou li.
Yon astewoyid ki file,
Limyè li gaye,
A ! sòlèy la temwen,
Ki wout l ap pran?
Lanati twouble ak son nan syèl la.
Litani resite,
Chante chemen l,
Tout bagay klè devan l,
Epi li kontinye fè vwayaj li,
N ap kite l ale,
Se regretan sa pou latè,
Men chemen an toujou klè devan l.
Frank file, l ale,
Nanm li nan plenn,
Anba dlo, anba lanmè,
Sou tout tèt mòn,
Nan Ginen ap tann li.
A! Sòlèy la temwen.
James Saint Germain
21-02-2025