Kisa ki te fè
Ti zwezo te vole
nan chimen madoulè
Kisa ki te fè
Marasa boule pay
pou etenn malsite
Nan sezon fètdèmè,
Tonnwèl taye banda.
Menm chante kanaval,
Kòmanse fen mwadmas.
Kilès ki konn wè
Lougawou ak zobop
defile nan gwo kay
Kilès ki konn wè
Gworeken sou chimen
simaye kè kontan
Mès minwi gwo midi
Pijama gran jounen
Larivyè retounen
nan sous dlo
ki nan mòn
Dan Yoo