NÒT
Club Hiram Haiti se yon òganizasyon ki regwoupe plis pase san (100) frè ak sè nan depatman Nò, Nòdès ak Latibonit ki soti nan plizyè lòj ak obedyans diferan.
Pou rapèl fran masonri se yon òd ki chita sou twa pilye ki se : filantropik ,filozofik ak ezoterik. Se sou aspè filantropik la nou baze apwòch nou jodi a, pou nou di non ak sa k’ap pase nan sosyete a.
Jodia, nou mete tèt nou ansanm pou yon lòt Ayiti. Nou pwofite moman sa pou nou plase mo pa nou sou kriz politik, ekonimik ak sosyal peyi a ap konnen depi kèk lane.
Frè nou yo tankou Dessalines, Christophe , Petion elatriye… pa te sakrifye yo an ven pou te bay nou libète epi rive fè nou yon nasyon ki gen yon bèl istwa epi nou se premye pèp nwa ki lib.
Lè nou konsidere, ensekirite kap fè ravaj nan tout rak kwen nan peyi a.
Lè nou konsidere, zak asasinay kap fet chak jou sou pitit pep la ki pa janm ka jwenn jistis.
Lè nou konsidere, okenn limyè pa janm fèt jis konya sou asasina malonèt prezidan Repiblik la depi 7 Jiyè 2021 anndan lakay li .
Lè nou konsidere, feblès ki gen genyen nan tout enstitisyon sosyal ak politik nan peyi a.
Lè nou konsidere, enjerans ki genyen nan pi wo nivo leta ak yon premye minis defakto ki pa gen okenn manda lejitim .
Lè nou konsidere, desizyon degrenn gòch , antipèp premye minis defakto Ariel Henry ap pran tankou : ogmantasyon pri a gaz la a 128 %
Lè nou konsidere, echèk MENFP sou ouvèti lekòl la, pòt lekòl toujou fèmen yonn nan enstitisyon nòb k’ap patisipe nan konstriksyon levasyon sosyete a .
Lè nou konsidere, ane jidisyè a ki pa rive louvri nan dat 3 oktòb la jan sa te prevwa.
Lè nou konsidere, dezyèm lendi mwa Janvye 2023, 10 grenn senatè lejitim ki rete yo dwe ale,e jis konnya pa gen anyen ki di sou koman palman an pra’l remanbre’l.
Lè nou konsidere, konstitisyon peyi a, ki bay priyorite ak twa gran pouvwa : ekzekitif , lejislatif , jidisyè ki a disparet tankou absans jij nan lakou kasayon.
Pawòl la di : « malediksyon pou sila ki gen pou pran responsabilitel ki pa pranl »
Se pou sa nou fran mason ki reyini nan Club Hiram nou konstate peyi a gentan tonbe nan yon katchouboumbe paske pèp la pa dako poul’ rete nan ensekirite telegide sa. Tout lopital fèmen sa lakòz anpil moun, ti moun tankou granmoun, ap pèdi lavi yo chak jou, Kolera anba pye nou, la mizè ap taye banda, pri tout kalite prodwi ap miltipliye chak jou ,toupatou se gang ak zam, kap teworize popilasyon an sou tout fòm , zak kidnapin, anlèvman ak trafik moun, ap vale teren nan tout rak kwen, sitou sou fwontyè Ayiti ak Sendomeng.
Souverènte nou menase, yon semen apre ekip koronpi yo te fin deklare tout bagay sou kontwòl, se menm yo menm konya kap mande entèvansyon militè etranje.
Apre tout konsta sa yo nou reklame :
- Yon chanbadman nan sistèm peze souse sila kap peze kou nou ;
- Retrè sou desizyon ki mande koupe sibvansyon sou pri gaz la ak 1,50 dola sou transfè ;
- Retrè prese prese sou demand entèvansyon fòs militè etranje sou teritwa nasyonal la ;
- Depa san kondisyon premye minis defakto Ariel Henry ak tout ekip ki sou pouvwa ;
- Yon konsèy Gouvènman ki reprezante tout kouch nan sosyete a pou òganize eleksyon kredib, onèt e demokratik ;
- Retou a lòd konstitisyonèl,yon mannyè pou 3 pouvwa yo kanpe djanm ;
- Retabli sekirite nan tout peyi a, pou pèmèt tout moun kapab reprann aktivite yo ;
- Ouvèti lekòl la nan yon dat ki pa twò lwen.
Okap, Samdi 08 Oktòb 2022 .
SIYATI:
NON ak SIYATI / Resp.’. L.’.
Wilgens ETIENNE, Vénérable Maitre ;Berceau d’Oge #5, Quartier-Morin
Wilson PREVAL, Vénérable Maitre ; Etoile de l’Orient # 70 Cap-H
Adlain PIERRE, Vénérable Maitre ; Bassin de Jacques# 24 Plaine-du-Nord
Philome JEAN PHILIPPE ; Fils du Soleil #4, Baudin
Peterson JULES ; Acacia #7, Cap-Haitien
Wedson DANIEL ; Etoile de l’Orient # 7, Cap-Haitien
Edisson SAINT- FLEUR ; L’Haïtienne # 6 Cap-Haitien
Yves-Laure Severe ; La Concorde #1
Frantz Mirtho DORVIL ; Guacanagaric #5 Fort- Liberté
Gethro DENIS ; Fils du Soleil #4 Cap-Haitien
Bertude JEAN ; Etoile de l’Orient # 7 Quartier-Morin
Rooobins JOSEPH ; La réunion des Cœurs # 2 Fort-Liberté
Nicodeme ALMONOR ; L’Haitienne #6 Cap-Haitien
Fredely JOSEPH Fils ; Parfaite Harmonie #3, Quartier-morin
Oliver Beiroph PETIT FRERE ; Parfaite harmonie # 3 Quartier-Morin
Steve PIERRE; Fils du soleil #4 Baudin
Dudeley CHERY; Berceau d’Oge #5 Quartier-Morin
Olwey JEAN; Louis Claude Saint Martin#9, Ouanaminthe
Arens LAMERDIEU ; Berceau d’Ogé # 5, Quartier-morin
Rultz BIEN-AIME ; Fils du Soleil #4, Baudin
Jean-Luc BELL ; Jerusalem #38, Cap-Haitien
Tabou Junior; Etoile de l’Orient # 07, Quartier-Morin
Pierre Florekendy ; Etoile de l’Orient #70, Cap-H
Micardo VREUS ; Parfaite Harmonie #3, Quartier-Morin
Dieudonné James ; Renaissance#6, Orient de Baudin
KÉROLLÉ Chassagne ; Fils l’Haïtienne #6, Cap-Haitien
Daniel ÉTIENNE, Vénérable Maitre ; L’arche de Noé #22, Orient de Santiago
