KISA POU NOU FÈ POU NOU PREPARE NOU NAN SEZON SIKLÒN ? EPI KISA NOU DWE FÈ LÈ YO ANONSE SIKLÒN ?
Madi 14 jen 2022 ((rezonodwes.com))–
Kisa pou nou fè pou nou prepare nou nan sezon siklòn?
Pou nou prepare nou nan sezon siklòn, nou dwe:
- Toujou rèspèkte règ konstriksyon yo;
- Gen jan epi gen kote pou nou bati kay san nou pa mete lavi nou ak lavi lòt moun an danje;
- Asire kay ou, byen klouwe tòl yo, pwoteje pòt, fenèt ak rezèvwa dlo yo;
- Pwoteje tout mèb ki fèt an vit. Ranje vè ak asyèt kristal kote pou yo pa blese moun si yo ta kraze;
- Koupe branch bwa ki tou pre kay la, oswa fè koupe branch ki bay sou fil kouran yo;
- Siveye tout sa ki ka mete lavi ou, lavi fanmi ou ak vwazen ou an danje, sitou lè gen gwo van, tankou : pye bwa, antèn, poto kouran ki ka tonbe, ak tout sa fòs van ka bwote;
- Prepare yon kit ijans;
- Toujou gen flach, radyo ak kèk pil rezèv pou fè nouvèl.
Kisa nou dwe fè lè yo anonse siklòn ?
Lòske yo anonse siklòn, kisa nou dwe fè:
1. Anvan siklòn nan rive ?
- Rete tèt frèt !
- Koute pòtvwa, radyo ; swiv televizyon, entènèt pou fè
nouvèl. Epi gaye nouvèl la bay fanmi ou, vwazen ou ak lòt
moun ankò; - Pare yon ti sak ki gen rad sèch pou sizoka ou ap gen pou
deplase.
2. Pandan siklòn nan ap pase ?
• Rete tèt frèt !
• Toujou koute pòtvwa, radyo ; swiv televizyon, entènèt pou
ou jwenn bon jan enfòmasyon sou sa k ap pase;
• Toujou swiv konsiy otorite yo ak Pwoteksyon sivil.
3. Apre siklòn nan fin pase ?
• Rete tèt frèt !
• Kontinye koute pòtvwa, radyo ; swiv televizyon, entènèt;
• Kontinye swiv konsiy otorite yo ak Pwoteksyon sivil;
• Si ou kapab, pote konkou bay tout moun ki bezwen èd;
• Pa jennen moun k ap pote sekou yo.
• Kontinye voye je sou granmoun ki fèb, moun ki andikape
ak timoun yo. Toujou fè solidarite ak yo.
• Gade ki dega ki fèt bò
lakay ou epi bay otorite yo
enfòmasyon yo.
• Si ou kapab, patisipe nan
repare dega ki fèt nan
kay, pon, kannal ak wout
yo.
• Trete tout dlo ou ap bwè,
sèvi ak pwodui ki fèt pou
sa, tankou jif, klowòks…
Bwè dlo ki trete sèlman
