NOT Pou LAPRES / KOMISYON ALYANS
Pòtoprens, jou ki Madi 21 Desanm 2021 ((rezonodwes.com))–
Komisyon Alyans ap salye Laprès Pale, Ekri, Televize ak Laprès an Liy yo pou kokenn travay yap reyalize nan Sosyete Ayisyèn nan e sitou nan bay kontribisyon pa yo nan chache limyè pou Nasyon an. Chapo pou nou !
An mèm tan li voye senpati pou Moun Okap yo, Fanmi ak Zanmi Viktim yo ki sot touche nan de (2) dram ke l sot konnen la yo.
Komisyon Alyans lan vi n prezante ak Nasyon Ayisyèn an e ak Kominote Entènasyonal la yon Akò Politik tipikman Ayisyen kote se Pitit Peyi a ak plizyè Pati Politik ki agreye nan Konsèy Elektoral Pwovizwa a e Oganizasyon nan Sosyete Sivil la ki chita ansanm epi ki akouche Akò Enklizif sa ke nou rele Akò Politik Global ou Akò Alyans.
Akò sa pran ankont reyalite Sosyal, Politik ak Ekonomik Peyi a ; e l pote yon solisyon dirab nan kriz politik kap travèse Peyi a.
Ki donk, Akò Politik Global sa ou Akò Alyans lan vi n retire Peyi a nan bouyi vide ke l pran la e sitou pou evite l tonbe nan yon katyouboumbe politik avan e aprè 7
Fevrye 2022. Dirije se prevwa, se pou sa Komisyon Alyans lan vi n mande pou tout
patryòt, pou tout Gwoup Politik ak Sosyete Sivil ki fè yon Pwopozisyon Soti Kriz ou Akò Politik pou kontinye pote kole ak li, menm jan plyzyè nan yo gentan chita ak Komisyon Alyans lan pou yon vizyon tèt ansanm pou n sove Nasyon nou an ki an danje.
Akò Politik Global sa ou Akò Alyans sa, pwopoze yon solisyon nan sans lakay nou, pandan nap chache rete piprè e nan lespri Konstitisyon Peyi a ou swivan tradisyon lakay nou. Se sak fè nou gen yon plan A ak yon Plan B. Nan sans sa, nou Pwopoze ak Nasyon an yon Konsey Nasyonal Gouvènman (KNG) ou Konsey Prezidansyèl ki pou dirije Peyi a 7 Fevrye 2022 kap vini la, KNG sa ap gen poul konpoze de tout Akò Politik yo men fòk nou ajoute ladan-n yon Reprezantan Laprès ak yon Reprezantan Lajenès.
Konsey Nasyonal Gouvènman an ou Konsey Prezidansèl la ap konpoze konsa:
Reprezantan Akò 11 Septanm 2021 nan
Reprezantan Akò Alyans lan ou Akò Politik Global la
Reprezantan Akò Montana a
Reprezantan Akò PEN nan
Reprezantan Akò CESOC la
Reprezantan Akò pou la ri-a
Reprezantan Akò Soley Leve a
Reprezantan Akò Final de Vertière a
Reprezantan Akò Mache pou Lavi
Reprezantan La Près
Reprezantan La Jenès
Fason sa ap pèmet nou rezoud kriz politik la nan lapè ak Kè poze paske tout Kouch Politik e Sosyal ap ladan-n tout bon vre, la vi ap reprann e malere ak malerez yo pral rale yon souf fwa sa.
Akò Alyans sa ou Akò Politik Global sa mande se pou tout Inisyatè lot Akò Politik yo, pou yo travay ak tèt repoze men rapid ; Menm jan nou wè Akò Montana, Akò Alyans lan ou Akò Politik Global la ak Akò CESOC la, ap fè-l la a, Se pou nou ka deziyen yon reprezantan ki pou ale nan Konsey Gouvènmantal la ou konsey Prezidansèl la ki pral Gouvène Peyi a 7 Fevrye 2022 kap vini la.
Akò Alyans lan ou Akò Politik Global la di ke l tap bon anpil pou ta deziyen reprezantan yo avan 31 Janvye kap vini la
Akò Alyans ou Akò Politik Global sa, pral pèmèt Gouvènman Tranzisyon an jwenn Kònsansis nesesè ak Konfyans Popilè pou yo ka jete baz pou anpil gran chantye tankou : Tabli bon jan sekirite, Konferans Nasyonal, Refè Konstitisyon Peyi a, Realize bon jan Eleksyon nan ane 2022 a pou retounen Peyi a nan vwa Konstitisyonèl li 7 Fevrye 2023, tabli bon jan eta de dwa ak anpil lòt ankò. Se pou tèt sa nou tou mete nan Dokiman Akò Politik Global la ou Akò Alyans lan yon Kalandrye Aktivite pou Ekzekitif la realize depi 7 Fevrye 2022 jis rive nan 7 Fevrye
2023.
KNG sa pral pran kèk bon desizyon an favè Peyi-a ak an favè Pèp la, pou echape
Nasyon an de tout danje, kòm soulèvman genaral, gè sivil e latrye.
Pou n reyalize kokènn chenn rèv sa, Komisyon Alyans lan ap kontinye chita ak chak branch Akò yo pou n planifye avni Peyi nou pandan nap monte ansanm yon Komisyon Mix ki pral travay poun reyalize pasifikman tranzisyon an. Paske li lè li tan pou Pèp la jwenn yon soulajman. Pa gen yon moun ki pou di kel pa tande kri Pèp Ayisyen an kap rele : LI BOUKE, LI PA KAPAB ANKò !
Komisyon Alyans lan bay tèt li tout yon kantite Aktivite travay tankou : kontinye rankontre lòt Aktè Pollitik yo ak lòt Akò yo, rankont ak medya yo e ak kèk Patikilye epi nap voye rezilta travay sa yo ak avansman yo pou La Près ak Popilasyon an nan sa nap rele Bilten Près. Nan menm kad travay sa, Akò Alyans lan ou Akò Politik Global la ap gen pou l pwopoze ak Nasyon an e ak Ekzekitif la yon Plan Ekonomik e Finansye ki pou remete Nasyon Ayisyèn nan sou 2 pye l, Travay sa se Ekonomis nou Reveran Pastè Charles Yvon Castillon ak lòt Ekonomis yo kap potel pou nou.
Lè nap gade danje ki anfas Nasyon Ayisyèn nan, Lè nap gade koman Konstitisyon Peyi a trase pou Nasyon an fonksyone, li pa Konstitisyonèl pou Peyi ap dirije ak yon Ekzekitif ak yon sèl tèt. Peyi a dwe genyen yon Prezidan ak yon Premye Minis selon Atik 133 nan Konstitisyon Peyi a ki di Klè kou dlo kok « Pouvwa Ekzekitif la konpoze de :
1- Prezidan Repiblik lan, ki se Chef Leta a
2- Gouvènman an ki gen nan tèt li yon Premye Minis.
Konstitisyon an bay Prezidan an travay pal e li bay Premye Minis lan travay pal apa yon n pa dwe monte sou travay lòt.
Lèn gade zak Asasinay ki fèt sou Prezidan Jovenel MOISE nan lan nwit 6 – 7 Jiyè
2021 an e depi lè sa, Pèp la ap mande Jistis Pou Prezidan Jovenel MOISE e li dwe
jwen n jistis, Nasyon an ak Fanmi l yo ap tan n sa.
Vid Prezidansyèl sa vi n agrave sitiyasyon Peyi a pi plis toujou ; kote tout Enstitisyon Repiblikèn yo ki tap déjà mal mache vi n nan plis difikilte pou yo fonksyone e repon n ak vokasyon yo ; sa vi n fè, tout fason ke Konstitisyon Peyi a te prevwa pou ranplase Prezidan Repiblik la pa ka aplike jodi a.
Ki donk, sèl vwa ke Peyi a genyen se asepte yon Akò Politik Global, pou Tout Aktè ladann pami tout Akò Politik ki genyen yo. Paske Ayiti se pou nou tout e se nou tout Pèp Ayisyen an ki gen Souverènte Nasyonal la nan men nou. Ki donk, se yon konsansis ki pou bay sa yo, e konsansis sa nou jwenn li andan Akò Alyans lan ou Akò Global la.
Se nan Kontèks sa, Jounen jodiya nou jwen anpil Akò Politik ke de Gwoup moun de bòn volonte ou de Pati Politik konsansye de bezwen Pèp Ayisyen an prepare pou pèmet Ayiti soti nan trou kotel tonbe a. Sepandan, Akò ki ka rive retire Ayiti nan sal ye la a, se yon Akö Enklizif, Global ak Tèt kole ki ka pèmèt nou genyen yon Konsey Nasyonal Gouvènman ou yon Konsey Prezidansyèl kap genyen yon Prezidan Provizwa ak Manm yo epi yon Premye Minis.
Enfen, Konsey Nasyonal Gouvènman an ou Konsey Prezidansyèl la ap gen yon Komisyon Kontròl ki ap la pou Kontrole Fonksyonman Gouvènman an. Men ki Sektè kap nan Komisyon Kontrol la :
1) Akò Politik Global sa ou Akò Alyans sa (1) Manm
2) Akò Montana a (1) Manm
3) Akò 11 Septanm nan (1) Manm
4) Akò PEN nan (1) Manm
5) Akò Mache pou lavi (1) Manm
6) Akò CESOC (1) Manm
7) Akò Soley Leve (1) Manm
8) Akò Final ou Akò Vètyè (1) Manm
9) Akò La Ri a (1) Manm
10) Asosyasyon Medya yo (1) Manm
11) La Jenès (1) Manm
12) Dyaspora Ayisyen an (1) Manm
13) Federasyon Bawo DAYTI (FBH) (1) Manm
14) Oganizasyon Fanm yo (1) Manm
15) Legliz Episkopal (1) Manm
16) Legliz Katolik (1) Manm
17) Federasyon Pwotestant DAYITI (1) Manm
18) Sektè Vodou Ayisyen an (1) Manm
19) Sektè Dwa Zimen (1) Manm
20) Sektè Peyizan (1) Manm
21) Sektè Popilè a (1) Manm
22) Sektè Sendikal yo (1) Manm
23) Sektè Andikape yo (1) Manm
24) Asosyasyon Ki Anrejistre nan MAST (1) Manm
25) Chanm Komès ak Endistri (1) Manm
Viv Ayiti pou toujou !
Pou Komisyon Alyans lan
Ekonomis Charles Yvon Castillon Pati PNDRH Prezidan
Kenz JEAN FRANÇOIS Pati AC
Vis Prezidan e Prezidan Komisyon Mobilizasyon
Evens Toussaint
Pati ROCH
Vis Prezidan Mobilizasyon e Prezidan Pwopagan n
Jeannot Guerlin Gwoup 51 Pati Politik yo Konseye Politik e Strateji Politik
Denor Atus
Platfòm Politik Koca
Konseye Politik e Strateji Politik
Agr Nono Pierre Paul Mouvement National Dessalinien Konseye Politik e Strateji Politik
Yvenson DESSOURCES Pati FDH
1er Sekretè
Bonny Dieudonné
Pati PLEH
Protokol e Relasyonis
Jean JEAN BAPTISTE Fédération CROBRADS Manm