Politisyen bandi
Bandi se bandi
Tout figi di se bandi
Vòlè pa gen lòt non : vòlè
Tout jan w vire lòlòy ou : ou se malfektè
Chèf gang tounen Leta
Tèlman bouda politisyen tounen fatra
Nan tete lang ak zaza
Wi yo se fatra dekonpoze
Ki santi ak malkonpoze
Peyi d’Ayiti te mèt kraze
Depi yo gen pouvwa pou yo piye ak pete
Politisyen
Eske w se ayisyen?
Non ! Mwen se machann peyi ak vòlè
Mwen se malfektè
Politisyen wap tann zeleksyon
Poukisa? Pou w fe kisa?
Pou w ka danse zaza
Nan piye Leta
Nan fè krèy
Pandan ke pitit pèp la ap jwe yoyo ak sèkèy
Wi sèkèy madoulè
Tounen sèl espwa jenès lan
Kote bandi ak zam
Ap fè lavi pèp lan filalang toupatou nan touye
Vyole tifi ak fanm
Anba » Dwa Moun » RNDDH ak Je Klere
Politisyen EDE
Kote konsyans
Piti Desalin?
Bò mache FUZYON
Nan twou egou LAVALAS
Aout lot yo asosyasyon tet ansanm…
Avek vonvon mouch
Akò 30 janvye
Nan plen pòsh KID
Ak 3 vòlò BNC
KPT – sitirè
Reselè
Manjèt vyann pouri
Dyòl santi
Kalanbè
Dwèt kannari
K : Kalanbè
P: Pete
T: Tafyatè
Politisyen
Kisa w vle?
Plis teritwa pèdi
Plis kadav tififi
Boule gwo midi
Anba zago bandi
Wi bandi konplis ou
Bandi ke w bay zam
Pou pouvwa
Raket ak boujwa kiki
Bandi teworis
Bandi polka w
Bandi asosye w
Bandi pwotektè w
Wi ou paka pale politisyen
Tchoul ak restavèk blan
Wap griyen dan
Pandan pèp lan nan kouri
Tout kote bò lari
KPT jwisè
Pati politik benefisyè
Bandi atoufè
Pèp ayisyen nan mizè
ESA .’.
| ReplyForwardAdd reaction |