Port-au-Prince, jeudi 16 novembre 2017 ((rezonodwes.com))– Le président Jovenel Moise, à partir d`un arrêté publié le jeudi 16 novembre 2017 dans le Moniteur, a constitué un commandement intérimaire des Forces Armées d`Haiti, chargé d`entreprendre les travaux relatifs au rétablissement, à l`organisation et au fonctionnement des Forces Armées d`Haiti.
Selon le président du sénat, Youri Latortue, le chef de l`état va nommer un commandant en chef ad intérim, au grade de général, qui choisira un État-Major, pouvant devenir permanent après ratification par le parlement.
Latortue, ancien officier de l`armée d`Haiti (FAd`H), assure que la nouvelle armée ne s`occupera pas d`arrestation de citoyens, donc, n`aura pas la possibilité d`exercer des actes de répressions politiques sur la population.
Les FAd`H auront uniquement la fonction de défense du territoire, promet Youri Latortue.
Les FAd`H auront uniquement la fonction de défense du territoire, promet Youri Latortue.
Vraiment, contre qui cher Youri?
Mezanmi, ankò yon fwa, sa se pa Fad’H men plito yon milis ame boujwazi biwokratik la ap mete sou pye pou mye defann enterè blòk opouvwa a e kenbe yon ejemoni nan alyans nan mitan klas dominan yo. Se menm lide VSN Divalye a kap regle la a kote li te tou makoutize lame a.
Kidonk, se yon lòt kò Tonton makout kap monte la a kèlkeswa non yo pretann ba li a. E li la pou kenbe estatoukwo a, inegalite sosyal, eksklizyon mas popilè yo de tout bagay elatriye. Pozisyon nou nan mas popilè a se abolisyon kò Tonton makout sa a pi vit posib.
Yon Fad’H ta mande yon diskisyon nasyonal antame pou menm konseptyalize l. Se pa ka yon gouvènman ki annik deside lap mete lame kanpe. Sa sa vle di, mezanmi? Se yon gagòt total kap fèt la a. Peyi a pa rekonèt gang ame sa a gouvènman souflantyou sa a ap mete kanpe la a. Kidonk, nan sans sa a, li pa kapab “Fad’H” men yon gang ame kèlkeswa non yo chwazi ba li a.
Epi gen yon tandans pou sèten otorite konpare lobèy kap fèt la a avèk LAME ENDIJÈN REVOLISYONÈ KI TE ABOLI LESKLAVAJ POU BANNOU LIBÈTE AK ENDEPANDANS POU NOU TE VIN YON PEYI. PA GEN SA PYÈS E PA GEN KONPAREZON POSIB LA A MENM.
Sa gouvènman neyokolonyal ak chenn esklavaj la nan lespri yo a ap fè la a se yon gang ame kap kolabore ak peyi kolon enperyalis yo pou kenbe peyi a anba lokipasyon ak titèl etranjè. Si se te yon lame toutbon, ki gen grenn, ki gen melon vreman, 18 Novanm 2017 yo vle deplwaye “lame” yo a, pa ta dwe gen MINIJIS nan peyi a. Youn nan prensip fondamantal yon lame ki gen nen nan figi li, sè ke pa dwe gen okenn lòt fòs etranjè sou teritwa a ki mete nou sou titèl.
LAME ENDIJÈN REVOLISYONÈ A SE TE YON SENBÒL FYÈTE POU TOUT PÈP AYISYEN AN. Tandiske, gang ame gouvènman sa a ap mete kanpe la a se senbòl LAWONT pou tout Pèp Ayisyen an. PA GEN KONPAREZON LA A MENM!!! Jounen Jodi a, nou kapab di klas dominan reyaksyonè yo ap mal itilize jenn fanm ak jenn gason nou yo nan yon kò malfra, makoutize, fachize, yo vle bay pote non “Fad’H.” Se yon kò ame ki pral ranfòse pouvwa fòs fè nwa yo ki pran tout richès peyi a ann otaj poutèt yo sèlman san pèp la pa ladann.
SA AN DEFINITIV KI KAPAB REBANNOU FYÈTE NOU PÈDI A SE YON NOUVO LAME POPILÈ REVOLISYONÈ KI POU ABOLI SISTÈM PEZE SOUSE KAPITALIS, FEYODALIS, NEYOLIBERALIS AK ENPERYALIS LA. Se sa sèl ki kapab retounen fyète nou te genyen nan Lame Endijèn Revolisyonè a le 18 Novanm 1803 (Vètyè), 214 lane apre gwo kokenn chenn evenman istorik sa a. Se sou sa tout patriyòt, pwogresis ak revolisyonè ta dwe koumanse reflechi e travay pi vit posib pou mete kanpe. Sa mande nou koupe fache ak lelit tilolit, politisyen abolotcho malpwòp nou genyen nan peyi a jounen jodi a.
Psikolojikman ak ideyolojikman, nou menm nan mas popilè yo dwe ranmase karaktè nou, drese eskanp figi nou pou rebay peyi d Ayiti puisans moral, kiltirèl, politik, ak militè li te reprezante nan Amerik la ak nan lemond antye nan debi 19èm syèk la ak yon nouvo Fòs Ame Popilè Revolisyonè ki rele nou chèmèt chèmètrès. Se sèl fòs ki pa pral tolere okenn lòt fòs peyi kolon enperyalis yo vin pile teritwa nou ankò.
VIV PÈP AYISYEN EMANSIPE! VIV YON AYITI SOUVREN AK ABONDANS!