Mèt Dorval,
Pa mande m
Nouvèl sou peyi a
Peyi sa a pa ekziste
Wi li pa ekziste ni nan lalwa ni nan fè yo
Mwen sonje w anpil
Tankou yon nonm dwat
Yon entèlektyèl tout longè
Ki pat pè di sal panse
Wi mwen pap ka bliye w
Menmsi sila ki asasinen w yo
Toujou ap taye banda
Yo pa konn ki moun yo te touye a
Si m ta vle ba w nouvèl Ayiti
Kote w kouche an ou tap di ak pi plis fòs : “le pays n’est ni administré et ni dirigé”
Ou te lanse kri sa a maten
Jou ki te 28 dawou 2020 an
Si m ta di w menm Jovenel ki tap minimize asasina w lan pat epaye
Jovenel li menm li gen 4 lane depi li al jwenn ou
Kanta pou Jovenel pa pale
7 jiyè 2025 lan – sa a pase tankou yon pitimi pat ki gen twòp dlo
Sa a
Se sila
Ki pap tann
Kap kenbe memwa limen
Nan tout rakwen kote nou ap chache libète
Pa fatige w Mèt Dorval
Anyen pa chanje
Pa gen deba
Se bat dada
Ki genyen
Kenbe pouvwa nan tout move kondisyon
Tout moun fèmen bouch yo
Ak yon patat cho
Kanta pou lajistis pa pale
Tout jij ak Komisè Gouvenman
Se yon dyòb fonksyonè yo ap fè
Nan touché lajan san yo pap bay pèp lan jistis
Kanta pou Bawo an
Anpil avoka yonn ap voye toya sou lòt
Menm sitiyasyon ak imaj peyi d’Ayiti
Anyennta sou anyen pap mache
Tout moun sou manti
Sèl nouvèl konkrè ke m ka ba w nan jou anivèsè asasinay ou – gen yon foli ki ap travèse bann vòlò ki mete yo an 9 pou yo fè yon referandòm pou chanje konstitisyon 1987 lan
Dayè lè w te vivan ou te di ke li t merite gen yon pase men – se pa jan w te di an non lap fèt – se jan BLAN vle li an
Mon chè konfrè e Batonye nou kotinye repoze w an pè – e pa regrèt Ayiti – paske peyi sa pa gen pyès kote li prale
Ma ba w yon ti nouvèl lòt ane de Ayiti si l rele Ayiti toujou
Mèt Elco