Nou Pap Asepte!
Vè 1
…Yo vle fè nou tounen dèyè,
Yo vle kouvri lespwa ak fènwa.
Yon gwoup moun san manda,
Ap ekri Konstitisyon pou n obeyi san gade!
Refrèn
Nou pap asepte! (Oh non!)
Nou pap obeyi! (Se pa konsa!)
Nou sonje ki sa sa vle di
Lè se sèl yon nèg ki deside!
Vè 2
Pandan lannuit, an kachèt,
Y ap deside pou tout yon pèp.
Yo voye vwa nou jete,
Yo vle mete yon wa pou kont li pou rénye!
Refrèn
Nou pap asepte! (Oh non!)
Nou pap obeyi! (Se pa konsa!)
Nou sonje ki sa sa vle di
Lè se sèl yon nèg ki deside!
Bridge
Di m, ki kote dwa nou yo?
Ki kote mo « demokrasi » ye?
Yo vle efase nou tankou van sou sab,
Men nou kanpe, nou pa pè!
Vè 3
Nou konn doulè, nou konn mizè,
Nou sonje kout fwèt ak bal diktati pase.
Nou pap lage, nou pap trayi,
Nou pap pèdi sa nou te konbat pou li!
Refrèn
Nou pap asepte! (Oh non!)
Nou pap obeyi! (Se pa konsa!)
Nou sonje ki sa sa vle di
Lè se sèl yon gren’n nèg ki deside!
Outro
Nou se pèp ki batay, nou se pèp ki viv!
Nou pap kase, nou pap koube!
Nou pap kite yo vòlè n avni!
Nou pap asepte! Nou pap asepte!
pwodwi pa cba
audio
