Se pa ti bèl syèl la bèl.
Isit la.
Jodi a.
Nan peyi lotbò dlo.
Ayayay !
Nan pwen lè m sonje peyi m konsa.
Ayayay !
Nan pwen lè m sonje lakay konsa.
Ayayay !
Nan pwen lè m sonje Jakmèl konsa.
Ayayay !
Nan pwen lè m sonje Timouyay konsa.
Ayayay !
Nan pwen lè m sonje Remon Lèben konsa.
Ayayay !
Nan pwen lè m sonje Basen Ble konsa.
Ayayay !
Nan pwen lè m sonje epòk kanaval konsa.
Ayayay ! Ayayay !
Nan pwen lè m sonje plezi vakans konsa.
Ayayay ! Ayayay !
Nan pwen lè m anvi tande System Band konsa.
Lè l fè bèl kalte solèy konsa.
Lè syèl la tou ble konsa.
Lè lanati ap taye banda konsa.
Lè se grann vakans konsa.
Woy! Mezanmi pito m sere kè m tande.
Sèl l bagay m konnen.
Jouva jouvyen.
Anba syel ble sa.
© Arnousse Beaulière