Nòt piblik adrese ak ajan enterimè depatman latibonit yo sou pwoblèm ensekirite a
Komisyon Dyalòg Rekonsilyasyon ak Konsyantizasyon pou Sove Latibonit (KDRKSL), konstate ke sityasyon ensekirite gang ame nan depatman an ap agrave chak jou kote gang yo vin plis an konfyans e yo vin ap pran kontwòl plis tèritwa. Yon sityasyon ki fòse anpil moun deplase ale nan plizyè lòt kominn e nou konstate ke kominn sa yo ki deja pat gen enfrastrikti ki ka reponn ak bezwen moun yo, ki vin plis vilnerab e komanse anrejistre lòt fòm ensekirite.
Pou rezon sa yo, komisyon an ap raple tout ajan enterimè yo, ke yon majistra se premye responsab sekirite kominn li, lapolis ak lajistis pa sèl enstitisyon ki konsène nan rezoud pwoblèm ensekirite a, se tout aktè yo ki dwe jwe wòl yo poun ka jwenn solisyon dirab la, nan sans sa meri yo pa ka rete bwa kwaze fas ak pwoblèm ensekirite a nan latibonit, komisyon an ankouraje tout meri yo nan latibonit pou yo travay nan tèt kole ak lapolis ak lajistis pou garanti sekirite popilasyon an nan pran bon jan mezi ki kapap kontribye nan fè prevansyon pou anpeche ke vin genyen plis fwaye gang kap vin detwi plis kominote.
Komisyon an swete Ajan enterimè yo nan tout kominn yo nan latibonit ap pote kolaborasyon yo pou ede pwoteje vi ak byen popilasyon an nan tout depatman an, komisyon an swete ke responsab meri yo ap fè swivi yo rapid pou evite ke sitiyasyon ensekirite a pa vin plis dejenere nan depatmant latibonit .
Pou komisyon : HORACE Bertide DESVARIEUX Simone
NORGAISSE Ravel ORIVAL Reynald
SIMEON Frantz