Woy ! Lilyàn cheri
Yo fin anraje
Ap voye plòt krache
Sou bon zouti
Yo fin awoyo
Ap kase ren lakilti
Nan rèl do
Lanati
Pandan y ap plede
Voye ochan pou pouriti
Santi di
Bagay ki bay
Kè plen
Bagay ki bay
Anvi vomi tout lajounen
.
Woy ! Lilyàn cheri
Apa w ale vre
Ayiti fèk kare
Nan salopri wi
Ki jan pou n fè
Pou rive sòti nan lanfè
Mantal sa
K ap fin depatya
Bèl ti peyi nou an
Kote nou te ka pran
Bon jan van
Kokenn chenn peyi ki fè listwa sa
Jan w konn abitye di l ak tout kè w
Ak tout fòs w
San fòs kote
Ak tout fyète w
San voye monte
Nan jounal katrè w la
Randevou nouvèl bon zouti w la
Nan radio Kiskeya
Radio zile a
Non
Nou p ap ka bliye w
Non
Nou p ap janm ka bliye w
Fanm vanyan
Pou toutan gen tan
© Arnousse Beaulière