Sosyete Sivil Dezam bay Sou-komisarya Dezam 2 dwòn pou lapolis ka opere kont bandi Balatibonit
Lapolis inogire nouvo lokal Sou-komisarya Dezam ki nan komin Vèrèt epi enstale yon nouvo ekip polisye apre lokalite sa pase 13zan san prezans lapolis.
Se sou enstriksyon Direktè Jeneral polis Nasyonal la, DG Frantz ELBE ke reyalizasyon gwo evenman sa rive fet.
Direktè Depatmantal Latibonit la ki te reprezante Direktè Jeneral la nan seremoni ofisyel la te felisite sosyete sivil Dezam nan pou 2 dròn yo mete a dispozisyon sou komisarya ak lot materyel yo bay pou polisye yo santi yo konfotab nan zòn nan.
Reouvèti sou-komisarya Dezam nan rantre nan kad estrateji Direktè Jeneral polis la pou kouvri tout espas teritoryal kote bandi te okipe akoz pat gen polisye.
Gonayiv, 05 janvye 2023.
Sèvis Depatmantal kominikasyon
Latibonit