DIREKSYON DEPATMANTAL LATIBONIT
Lapolis Latibonit arete nan Tibwadòm 3 trafikan dwòg epi sezi 23 bal marijuana ki evalye a anviwon 23 milyon goud.
Lapolis nan Latibonit arete nan Ti Bois-d’omme, komin Gwomòn, 3 trafikan dwòg Aldonère DESTINE. Emmanuel SUGGNY ak Vertilus CELICIA. Trafikan dwòg sa yo tap transpòte 503,75 lbs marijuana nan 23 gwo sak nan yon pikop Toyota an direksyon Depatman Nodwès, ki evalye a 22,668,759 milyon goud.
Nap raple Direktè Depatmantal latibonit la, komisè Divizyonè Jean Bruce MYRTIL, kap egzekite nouvo plan Direktè Jeneral polis la pou mete sekirite nan Latibonit, te deklare nan Savyen 5èdtan avan operasyon kont trafikan sa yo, ke tout gang kap evolye nan Depatman Latibonit la gen antèn sou yo. Anyen pap travèse Depatman Latibonit la, kit se Dwòg, kit se zam, kit se bal.
Li te ajoute : »tout moun ki rantre nan gang gen pou chwazi youn nan 3 M sa.5 yo (Mawon – Mare – Mouri). Swa yo mawon, swa lapolis mare yo, swa yo mouri nan afwontman ak Lapolis).
Direksyon Depatmanal Latibonit pral remet dwòg ki sezi yo a BLTS ki se inite nan lapolis la ki gen ekspètiz nan domèn sa.
Sèvis Depatmantal kominikasyon
Latibonit
