Vandredi 4 novanm 2022 ((rezonodwes.com))–
Gethro Muscadin ki se ansyen jwè ekip baskètbòl Kansas ak Nouvo Meksik rive jwenn lanmò l aprè l te fin pase plizyè mwa nan koma akoz yon aksidan machin li te fè. Atlèt la te gen 22 zan sou bwa tèt li.
Inivèsite Kansas ak Nouvo Meksik konfime nouvèl la madi.
Antrenè ekip Kansas la, Bill Self di Muscadin mouri byen ta Lendi swa.
Muscadin te jwe pou Kansas pandan sezon 2020-2021 an epi apre sa li te transfere nan Nouvo Meksik. Li te jwe 12 match pou Jayhawks yo ak 12 match pou Lobos yo anvan li te deside kite ekip Lobos la, kèk jou anvan aksidan machin nan tou pre vil Topeka, eta Kansas.
Antrenè Bill Self pibliye yon mesaj sou Twitter pou l di: « Tèlman jèn. Yon tristès. Li pral toujou ko-ekipye nou. RIP. »
Muscadin se yon natif natal peyi d Ayiti. Li kite Nouvo Meksik paske « nou tou lè 2 te dakò se pat yon bon ekip pou misye ».
Bidler Nelson
bidlernelson@gmail.com