Les Universités Publiques lancent bientôt un colloque international à Port-de-Paix!

1 Comment

• 

  Reply

  Mario Caonabo 11 juin 2017

  Kisa Inivèsite Piblik Rejyonal yo espere rekeyi nan kolòk entènasyonal sa a? Kwak mwen pa gen tout done yo sou ekzakteman kisa ki pwoblèm toulejou Inivèsite Piblik yo ap konfwonte, men sepandan mwen konnen youn nan bagay fondamantal ki osant de pwoblèm Inivèsite yo se kesyon pwodiksyon nasyonal la ke otorite ekonomik ak politik yo mete sou kote, bay yon bwa long kenbe. Yo vag pwodiksyon nasyonal la opwofi de mizannaplikasyon plan neyoliberal la kote yo kraze tout endistri ak antrepriz nasyonal tèlke Siman D Ayiti, ENAOL, Izin Sikriyè Dabòn, Minotri d Ayiti, ets.

  Devlopman Inivèsite Piblik yo lye a endistriyalizasyon peyi a ke otorite anti nasyonal, anti pèp nou yo bloke sistematikman an konivans ak peyi kolon enperyalis yo. Se sa ki baz pwoblèm Inivèsite a ann Ayiti. Se endistriyalizasyon an kap pèmèt nou debouche sou rechèch syantifik ak apwofondisman rechèch nan Inivèsite yo. E se sa tou kap bay debouche pou moun ki konplete Etid Inivèsitè yo.

  Pou rezoud tout pwoblèm sa yo, fòk Ayiti sòti nan eksperyans plan neyoliberal la e rantre nan domèn endistriyalizasyon otonòm li sou baz de rapò de pwodiksyon sosyalize. Nou pa kapab nan gwo 21èm Syèk sa a depann de kòmand soutretans kap sòti Etazini, ak Kanada. Bagay sa a pa fè okenn sans. Mwen fout rayi tande otorite ekonomik ak politik Ayisyen yo kap pale de 300,000 djòb yo atann nan yon sektè osi prekè ke soutretans la. Pou yo, se yon pakèt afè alòske sa se baz depandans peyi a sou letranje. Nou pa ka devlope ekonomi nou konsa ditou. Sa se retou a lesklavaj tou pi. Kalite ekonomi rachitic sa a pap pèmèt nou devlope anyen nan peyi a, alewè pou Inivèsite a.

  Ankò yon fwa, pou nou gen yon lòt peyi ak yon ekonomi ki endepandan, otonòm, sa mande yon revolisyon demokratik popilè sou direksyon pwoletarya a pou ranvèse bann boujwa sanwont ak tout politisyen abolotcho ki alatèt peyi a, aboli kapitalism la yon fwa pou tout ann Ayiti e enplante yon mòd de pwodiksyon sosyalize. Se sa, e sa sèlman ki pral pèmèt nou devlope yon Inivèsite de mak, de bòn kalite.

  Nou gen dwa òganize kolòk depi kounye a jouska Lan 3000, e minis Cadet mèt fè kont demagoji li sou detèminasyon pou soutni UPR yo, pa gen anyen kap sòti vre andeyò de pwosesis revolisyonè a pi vit posib.