Séisme/Nord : Installation d`un Comité de prépositionnement

1 Comment

• 

  Reply

  Mario Caonabo 7 mai 2017

  Moun ki leve nan sosyete de klas tankou sosyete feyodal ak sosyete kapitalis/enperyalis la pran abitid gade kritik tankou peche motel; alòske kritik se sous ledikasyon, devlopman ak sajès. Lè nou pale de revolisyon, nou pale de nesesite chanje jan nou viv kritik yo fè nou. Nou dwe pati de kritik yo fè nou pou nou transfòme lapanse, lide, konpòtman ak atitid nou nan lavi a pou li plis koresponn a enterè kolektivite a.

  Mwen dakò ak kesyonman SPP yo sou kisa ki regle ak èd entènasyonal la. Repons la senp: malfra nan leta pouri a kraze l men yo kraze l ak konplisite entènasyonal la tou. Andotre tèm, entènasyonal la patisipe an plen nan koripsyon ki kraze lajan an tou. Kouman? Yo bay yon dividal konsiltan ki koute milyon ven konsa twaka nan lajan an tounen lakay yo. Epi, nèg yo nan leta a kraze ti rès ki rete a.

  Sou enstalasyon nouvo komite prepozisyonman an: An sifas, nou ka di se yon trè bòn inisyativ de prevansyon. Sepandan, nou konnen lè nèg d Ayiti pran yon inisyativ ki aparamman bon, ou bijo toujou gen yon rezèv nan bounda tèt a w sou kisa ki kache dèyè. OU PA KA NAYIF NON AK NÈG SA YO! Ou ta ka fè, pa ekzanp, yon moun tankou Enjeyè Claude Prepetit yon kredi; men li nan mitan yon pakèt eleman ou pa konn ki moun yo ye vre.

  Deja, nan enstalasyon komite a, èske gen yon dokiman ki redije ki poze pwoblematik katastwòf sismik yo ki ta poze kòm pwen de referans Latètranble 12 Janvye 2010 la? Ou wè, fòk ta gen yon etid dabò pou sènen pwoblèm ki te poze avan, pandan ak apre Latètranble 12 Janvye 2010 la. Sa ta pèmèt idantifye divès pis dentèvansyon ak diferan levye a konsidere nan yon pwochen katastwòf konsa. Apati de la, yo ta idantifye ki konpetans yap bezwen nan miz sou pye yon komite prepozisyonman, ak atribisyon li nan globalite li. Nou pa konnen si gen yon etid konsa ki fèt otou de Latètranble 12 Janvye 2010 la. E menmsi pa ta gen yon etid okonplè, omwen ta dwe gen dè pwen de referans adekwa a Latètranble 12 Janvye 2010 la ki mennen a nesesite miz sou pye komite a.

  Lòt bagay tou nou dwe konsidere, twò souvan leta a mete ansanm de espesyalis pou fè yon etid ki pou bay rekòmandasyon; non sèlman yo pa ba yo ase de resous pou fè travay la, kounye a lè travay la fin fèt, dirijan yo annik mete travay la nan yon tiwa pou ranmase pousyè; oubyen, yo annik pran sèten nan rekòmandasyon ki pa sa ki prensipal yo. E sa ki konn trè di tou, yo pa peye espesyalis yo pou travay yo fè a alòske bidjè a la pou ta peye yo a tan. (Ekzanp Komisyon Verifikasyon Eleksyon Out/Oktòb 2015 yo: Yo pat peye yo e se te jouk an 2016 lè yo te rele yo ankò, e lè sa a, espesyalis sa yo te di fòk yo peye yo anvan pou dènye travay yo te fè an 2015 la).

  Se tout sa ki fè anpil fwa lè nèg sa yo pran yon inisyativ ki aparamman bon, ou bijo toujou gen yon rezèv nan bounda tèt a w la. Èske se yon lajan yap kraze? Èske se annik yon aparans pou fè sanblan yap fè yon bagay lè ke anfèt yo pap fè yon merde? Èske se yon aparans yap bay pou konsomasyon kanna sovaj?

  SA TOUT NÈG AK FANM NAN LETA SA A DWE KONPRANN E KONPRANN BYEN E KLÈMAN SÈ KE, APRE PLIS PASE 200 TAN MANSONJ, VIKTIM VÒL, ENJISTIS TOUT KALITE, PWOMÈS SAN SUIT, PÈP LA MANDE REZILTA RAPID, RAPID!!!!

  FINI TOUT DEMAGOJI AK TOUT PALAB ANPIL ENTÈMINAB!

  VIV AKSYON AK REZILTA RAPID, RAPID!!!