Vandredi 7 janvye 2022 ((rezonodwes.com))– Sant Anbilansye Nasyonal (CAN) enfòme ke ayè jedi ki te 6 janvye 2022 a moun ak zam pran yon anbilans CAN ki gen plak DM-00147, Mobil 123, nan ri panamerikèn zòn Mòn Laza kote nèg ak zam sa yo t ap opere.
Se bò 7è 30 nan aswè bandi yo te met lapat sou anbilans la.
Nan sans sa, CAN mande popilasyon an rete veyatif e kontwole plak anbilans ki ap sikile nan lari a.
Pandan enstitisyon an di l ap mennen demach bò kote lapolis ak tout enstans ki konsène yo pou jwenn anbilans la prese prese, CAN fè konnen li pa responsab okenn move zak ki ta fèt ak anbilans DM-00147, Mobile 123 a.