Camille Edouard : « Le droit de manifester n`est pas un droit pour détruire »!

1 Comment

• 

  Reply

  Mario Caonabo 2 décembre 2016

  Nou ta ka dakò ak apèl Minis la sitou tou ke bagay moun yo ap kraze yo ase souvan se bagay moun ki tou pa genyen e kap fè anpil jefò pou yo genyen sa yo rive genyen an tèlke yon ti machin ets. Men toudmèm, yon premye bagay pou minis la reyalize sè ke klas posedan yo chita sou yon barik poud ke yo menm yo kreye nan peyi a de pa ensousyans yo ak mepri pou pèp la menm. Kidonk, le nenpòt ki manifestasyon lanse, ke yo rele li “elektoral” ou dòt tit, gen moun kap vin regle plizyè lòt koze, plizyè lòt doleyans tou. Se pa annik moun kap pwoteste sou kesyon eleksyon kap la.

  Dezyèm bagay pou minis la reyalize, poutèt laksism ak mepri epi ensousyans dirijan nou yo pou doleyans pèp la an jeneral, de moun nan pèp la konvenki se lè yo kraze-brize, yo jwenn yon minimòm atansyon dirijan yo. Pèp la pa konvenki si li annik manifeste “pasifikman,” dirijan yo ap fè ka de yo, ap tande vwa yo vre tout bon. Dirijan nou yo pa gen yon tradisyon demokratik de tande vwa pèp la; yo pito lage nan fè represyon, britalize, matrake popilasyon an depi yo fè revandikasyon. Gen yon absans jistis nan peyi a.

  Toutantenankont de tout sa, minis la, nan sajès li, ta dwe asire popilasyon kap manifeste a ke otorite konsène yo pral fè tout sa ki nan posibilite yo pou fè yon travay serye pou kenbe kont de doleyans moun yo. Se responsabilite leta a pou mete popilasyon an an konfyans ke se tout bon yo pral reponn ak bòn fwa a revandikasyon yo e demontre yap pran bon jan dispozisyon pou sa.

  Nou pa wè ni minis la, ni okenn manm gouvènman an pran okenn inisyativ nan sans sa a kote yap eseye konvenk popilasyon an de bòn fwa leta a anski konsèn revandikasyon pèp la. Minis Camille Edouard sèlman brake menas represyon li toutouni devan revandikasyon moun kap manifeste yo. Jan nou di a, pral gen anpil moun kap la ki pap annik la pou keyson eleksyon yo sèlman paske lis doleyans yo kont estatis kwo a trè long. Otorite kap entèvni yo dwe fè sa ak anpil espri responsabilite e montre anpil konpreyansyon ak sajès tou e non pa tonbe nan emosyonalism. San kenbe kont de tout sa, se leta menm kap fè apèl a anachi a, kap kreye dezòd e kap pouse moun yo a gè sivil.