Port-au-Prince, mardi 1er mai 2018 ((rezonodwes.com))– Plusieurs organisations syndicales et sociales ont appelé les travailleurs haïtiens à se mobiliser à l`occasion de la fête du travail pour exiger la fixation d`un salaire minimum de 1000 gourdes.
Selon les leaders de ces organisations, le revenu minimum de 350 gourdes fixé en juillet dernier (les ouvriers avaient réclamé 800 gourdes) ne peut nullement permettre à un travailleur de vivre et de faire face aux frais nécessaires pour se loger, se nourrir, instruire ses enfants et se soigner.
Ils critiquent notamment la décision des autorités de ne pas respecter l`obligation faite par le code du travail d`augmenter le salaire des ouvriers dès que l’inflation arrive au niveau des 10%, alors que celle-ci dépasse depuis des mois la barre des 13%.
Les syndicalistes ont fustigé le comportement du président Jovenel Moise, lui reprochant de s`aligner sur la position des patrons, lorsqu`il a annoncé, sans consultation des membres du Conseil Supérieur des Salaires, qu`il n`y aura pas de doublement de salaire.
Demand 1,000 goud Ouvriye yo pou yon jounen 8 èd tan travay plis ke jistifye. Gen yon etid Better Work te fè an 2009 kote yo te gade ki kalite salè li mande pou yon Ouvriye viv, determine sa ki rele ‘Panye Familyal’ la. Lè sa a, rapò a te jwenn kalite salè li tap mande pou Ouvriye a viv desamman an 2009 se 1,200 goud pa jou pou jounen travay 8 èd tan an. E si pou chak ane yo ta ajiste l an akòdans ak Atik 137 Kòd Travay la ki di a chak fwa to enflasyon an rive a 10%, fòk gen ajisteman salè a ala wos.
Si nou soustrè salè reyèl Ouvriye yo tap touché an 2009 de 1,200 goud yo ta dwe ap touché a, sa ba w yon lide de ki kantite lajan patwon yo ap fè sou do Ouvriye yo rive jounen Jodi a an 2018, sa fè deja 9 lane. NOU DWE RELE ‘BARE VÒLÒ’ DÈYÈ PATWON YO A WOT VWA! SE KALITE EKSPLWATASYON SA A KI ESANS MENM DIKTATI KAPITALIS/BOUJWA YO SOU OUVRIYE YO.
Patwon yo ekzèse diktati sou Ouvriye yo an plizyè fòm, Pratik anti sendikal, revokasyon abitrè, sispansyon pou ti krik, ti krak, asèlman/tizonnay medam Ouvriyèz yo, blam tou kalite, entimidasyon, presyon elatriye. Patwon sila yo konn itilize pouvwa politik la tou pou fè represyon anti sendikal sou Ouvriye yo, tankou sa te konn rive sou gouvènman otokratik Divalye a, an pasan pa divès gouvènman militè yo rive jounen Jodi a. Nou ka sonje se lane pase a, an 2017 la, patwon yo te itilize lapolis pou kraze mobilizasyon Ouvriye yo nan batay otou demand 800 goud la. Yo sèvi trè byen ak represyon ekonomik e represyon politik ann atikilasyon youn ak lòt pou kraze tout mouvman Ouvriye yo.
Ositou, tenan kont itilizasyon sa a patwon yo fè de represyon ekonomik epi aparèy politik yo, gouvènman, lapolis elatriye, nou menm Ouvriye pa dwe annik kontante nou de mete kanpe òganizasyon sendikal sèlman. Nou dwe pran kouraj nou a 2 bra, ranmase karaktè nou pou aprann mete kanpe òganizasyon politik otonòm nou tou ki rele nou chèmèt, chèmètrès donk ki pa depann de politisyen abolotcho yo, ki nètman endepandan de yo. WI BA YO YON BWA LONG KENBE MENM!!! NOU DWE TOUJOU KONTE SOU PWÒP FÒS NOU NAN BATAY NOU GEN POU NOU LIVRE KONT LENMI DE KLAS NOU YO.
Toutfwa, batay pou 1,000 goud la gen anpil dan ladann. Sa mande yon trè gwo mobilizasyon, yon mobilizasyon ki angaje alye klas ouvriyè a tou, etidyan, travayè tout kalite, peyizan pòv, soupwoletè, chomè nan katye nou yo. Sa mande nou atikile yon travay ajitasyon pwopagann ki adrese a divès klas ak fraksyon klas sila yo e kouman ogmantasyon salè nou kapab benefisye yo tou. Fòk nou ka demontre yo enterè yo tou nan ajisteman ak ogmantasyon salè Ouvriye yo. SE NOU KI POU NAN DIREKSYON MOBILIZASYON MAS POPILÈ YO. WI, NOU KAPAB AKONPLI TACH SA A!