Mache prese 7 fevriye : Malgre difikilte pou jwenn gaz, Jovenel Moïse achte plizyè delko pou lanse pwojè kouran 24/24

0
1046

Dimanche 17 janvye 2021 ((rezonodwes.com))– Lè Jovenel Moïse te pale de pwogram Elektrisite 24/24 nan 24 mwa, depi 4 lane, li te pase nan betiz tout sa prezidan anvan yo te konn fè nan sektè sa, e li te di byen aklè, se enèji renouvlab li pral mete nan peyi Ayiti.

Jovenel Moïse te choute byen fò sou zafè achte jeneratris (delko) kap boule gaz ak mazout, yon bagay dapre li ki ap kraze balans komèsyal nou epi ankouraje degradasyon anviwonman an.

Men, plizyè lane apre, prezidan an fè bèkatè. Li monte desann, li pa janm jwenn nan ki bout pou li kòmanse paske li pa gen okenn plan, okenn politik piblik nan sans sa. Se te anpil pawòl, pawòl pou pawòl.

Tan pase, prezidan Jovenel Moïse rive nan fen manda konstitisyonèl li. Nan panik, pou moun pa di li pa fè anyen pandan 4 lane sa yo, Jovenel Moïse tonbe achte delko san Koudèkont pa konnen apre li te fin met lapat sou kèk ti delko wòwòt ki te la pou bay kouran nan kèk biwo Pòtoprens, epi voye yo Okay ak Tigwav ak anpil pwopagann.

Lè yon entènot kase nan men Evenson Calixte ki responsab koze enèji pou Jovenel Moïse sou zafè achte delko epi pa gen gaz pou fè yo mache, DG Anarse a fache wouj :

 »Kòm lè motè yo ap mache se pa kouran yap bay.(…). Ou poko wè anyen la », Evenson Calixte reponn.

Men, Evenson Calixte fè moun sezi lè li reprann mo Jovenel Moïse pou li di  »Nou nan tranzisyon enèjetik ».

Li pwomèt tibin gaz ak enèji solè yo pral vini apre.

Men, nan konbyen lane…

Epitou, sou ki prezidans!

LEAVE A REPLY

Please enter your comment!
Please enter your name here

Ce site utilise Akismet pour réduire les indésirables. En savoir plus sur comment les données de vos commentaires sont utilisées.