Malgré l`interdiction, la manif est maintenue, s`entête Moise Jean Charles

2 Comments

• 

  Reply

  Jacques J Garçon 24 octobre 2017

  Bon! Fòs ame d’Ayiti ape soti 18 Novanm k ape rive la a! Gen lèr moun sa yo konpwan se kaka kalbas ki nan tèt a tout moun, menm jan ak yo. Se toujou grangou, nesesite, ki konn mennen yon jennonm ay anwole gad. Pi souvan tou, se nèg « Andeyò « . Lèr yo te antre nan gad la, fòk yo te pase 6 mwa nan baz ki resevwa yo a kòm rekri. Ladan yo, gen ki pa te menm vo sèrtifika. Se gad sila, lèr li vini pwan lari, k’ape di wou :  » Sèrkile, sèrkile, etire mwa devan vou « . Apwe pifò tan a yo, pase nan fè kèk ti egzèrsis nan konpayi an , anpi jwe bengo. Yon vwe gaspyaj resous imen. Pakèt mal gason ki san metye, p ape fè anyen pase derespekte moun, maltrete moun, benyen moun an san, tchwe moun, pi fò otorize pou vòlè, achte kredi pa peye, elatriye. Bon! se pou yon moun angran pa li; men pa pase kaporal ti kòk sila yo. Wen pa konnen si Jovenel Moise la, sove des chan de bannann nan ape, an menm tan pwezidan, koumandan lame sila; men mete konmedi a pa; moute yon lame pa fèt konsa. Kòm Ayisyen an tou jou gen nòstalji tan Ti Bobo ak Bòs pent la, se kapab rèv a yo k ape reyalize. Jouk ki pwofondèr n ape rive nan latrin nan, pou nou rekonnèt nou bade ak matyèr fekal jouk nan fwon nou? Mezanmi! Nou k ape gade sa k ape pase nan peyi d Ayiti a, pa senpman wè bagay yo deyò-deyò, sou aparans rans, Kokorat la yo, pa gen anyen y ape regle pou pèp. Se pouvwa yo bezwen pou fèr e defèr, piye vòlè; Yo matchavèl; fòk yo rive pa kenpòt moyen. Otan yo manyen wanga mazanza, malisyòs. Pou vye zen ki boule andedan palè nasyonnal sila, bòdèl ofisyèl la, kafou mazanza a, li te anfondre an reta menm. Ayisyen konsekan, pwan tèt an nou pou nou pa peye vye gaj ak chanpwèl.
• 

  Reply

  Mario Caonabo 24 octobre 2017

  Gouvènman Jovenel/Lafontant an dezòmè denome, “gouvènman PLIMEN POUL LA, PA KITE L RELE!!!” Se sa entèdiksyon pou Pèp la pat fè manifestasyon Jodi 24 Oktòb 2017 la reprezante. Swadizan entèdiksyon sa a ilegal, diktatoryal, anti konstitisyonèl ak anti demokratik. Gouvènman saltenbank la tonbe nan ilegalite total. Kidonk, li tonbe anplen nan twou latrin santi nèt, lè li oze pran mezi entèdiksyon sa a. Tantativ entèdiksyon an eksprime feblès gouvènman an devan leve boukliye Pèp la.

  Yon gouvènman ki santi l sitèlman an feblès pou se demonstrasyon fòs li bije fè anfas pwòp popilasyon li sanse ap dirije a, pa gen lòt bagay pou l fè ke efase tèt li; sètadi, li dwe annik demisyone.

  Popilasyon an pa fè l konfyans e kòm manifestasyon an rive fèt kanmenm malgre lòd entèdiksyon an, sa vle di Pèp la defye entèdiksyon an. Sa vle di, gouvènman an pap dirije, ni gouvène pèsonn nan peyi a. Se mache pòs ou. Fò w vreman sanwont pou w rete la. Kisa wap regle? Rete la a se yon krim paske kontestasyon an ap kontinye. E lè sa a, ou pral rantre nan fè vyolans kont Pèp la, kont tout moun ki pa dakò avèk ou. SA SE KRIM!!! Sa pa nesesè! Kite pouvwa a! Nou twò renmen pouvwa. Nou vle rete la menm lè Pèp la di trè klèman li pa vle nou ankò.

  Monchè, ou jenn gason toujou. Mafya lokal ak entènasyonal la ap itilize w, mete w la pou trake, detwi pwòp frè w ak sè w nan peyi Desalin la. PÈP AYISYEN VANYAN AN DI W NON! Pinga w ni ensiste, ni pèsiste nan wout wap pran la a ki se chimen diktati boutdi a. Ou twonpe w de tan paske 2017 pa ni 1957, ni 1964. Si w kontinye konsa, wa pran nan won toutbon wi, tikòk!!!

  Si w konn Pèp Ayisyen vre, monchè, ale tou dousman, chèche w kote pou wal pran yon kanpo. Ou pa nan plas ou nan moman an. Pa kite gwo LÒGÈY anpare w. Kite mafya lokal ak entènasyonal la demele gèt yo ak Pèp la yo menm. Pa eseye rantre nan listwa kòm bouwo Pèp Ayisyen!!! Li pap bon pou wou, tande, nèg!!!