Budget/Aviol Fleurant : Des milliards réclamés, mais…zéro emploi prévu!

2 Comments

• 

  Reply

  Regard Perçant 3 octobre 2017

  Aviol est un petit imbécile qui ne pense qu’à son petit poste en hélant comme un âne qui brait à chaque interview!
• 

  Reply

  Mario Caonabo 3 octobre 2017

  Leta Ayisyen se fondamantalman yon bwat fatra, yon atelye de “voleurs et criminels de grand chemin,” yon asosiyasyon de “malfaiteurs” mafya boujwa yo ak peyi kolon enperyalis yo mete la pou kontinye kraze peyi a ak Pèp Ayisyen. YO PAP REGLE YON MERDE pou ni peyi a, ni Pèp la. Se yon bann vakabon kap brase lajan pou tèt yo ak fanmi yo epi tizanmi yo. An definitiv, leta Ayisyen an se nich boujwazi biwokratik la kote politisyen abolotcho akimile kapital apati de pozisyon yo okipe nan bwat leta yo.

  Leta Ayisyen an anti nasyonal ak anti Pèp a limaj de boujwazi a ak tout lòt klas reyaksyonè yo nan peyi a. Jojo fè pati de boujwazi biwokratik la e se li ki alatèt de fraksyon boujwazi sa a de pa plas li okipe nan tèt leta a. Yap akimile kapital nan vòl, tout kalite gagòt, koripsyon ak magouy epi foure men yo byen fon nan trezò piblik peyi a. Se nan leta a yo fè kòb yo ak richès yo odetriman de mas popilè yo.

  Leta Ayisyen pat janm chapante pou bay popilasyon an okenn fòm sèvis. Leta Ayisyen pa trete Pèp Ayisyen tankou moun, oubyen sitwayen toutbon. Leta trete Pèp la tankou esklav, an moun ekskli de tout bagay, de zafè leta, de zafè peyi a.

  Leta Ayisyen chapante kòm yon leta neyo kolonyal ki osèvis de kolon kreyòl yo ak kolon enperyalis entènasyonal la. Se yon leta ki pa gen anyen arevwa a enterè oubyen devlopman peyi d Ayiti ak Pèp Ayisyen. Si kenpòt politisyen deklare sou podyòm li gen plan pou devlopman Ayiti oubyen pou byennèt Pèp Ayisyen, se PI GWO MANTI YAP BAY!

  Kidonk, jojo ansanm ak tout ekip mafya phtk parèy li yo gen plis pase 7 tan yap boure nou ak manti tout kalite. Pa ekzanp, kisa k te pase 5 E Mateli/phtk a pandan 5 kan li te alatèt pouvwa a nan peyi a? Kisa k pase pawòl majik jojo yo nan kanpay prezidansyèl li a (mete solèy la, dlo a, tè a ansanm ak moun yo pou mete lajan nan pòch yo e mete manje nan asyèt yo)? Se yon seri pawòl van ki gen yon sonorite mistik/foklorik ki tap chache atire Pèp Ayisyen an ki gen yon veleyite mistik nan imajinè sichik li. Pèp Ayisyen an trè entèlijan e pat pran nan koze kredi mistifikatris jojo yo. Majorite elektè yo te boude masivman eleksyon bidon, malatchong, pèpè yo. Se yon ti gout plis ke 1 milyon moun sou 6 milyon elektè ki tal patisipe nan lobèy la.

  8 mwa apre, tout moun kapab wè tout sa se te blòf! Gouvènman an monte pri gaz disèt wotè, pa vre! Li krache 3 adoken nan men Ouvriye yo apre konsèy siperyè salè a li menm tou te fin krache 335 goud nan men Ouvriye yo ki yo menm tap reklame 800 goud. Gouvènman an lanse yon karavàn kote tinèg ap bwase lajan nan koripsyon tout kalite pou plen pòch yo. Dènye gout pou touye se vòt lwa finans ki mete kanpe yo bidjè nasyonal kriminèl pou ekzèsis 2017-2018 la.

  Se yon bidjè ki kreye de tout pyès pou prije, peze souse mas pèp la jouk nan zo kap akselere transfè de valè eskandale an direksyon pòch boujwa yo ak enperyalis yo, donk kolon kreyòl ak entènasyonal yo. Pi gwo mago lajan nan bidjè a prale efektivman nan men prezidans la ak palman an. Pa gen anyen ki ale vreman pou envetisman pou kreyasyon anplwa pou lajenès ki konstitye majorite popilasyon Ayisyen la. PA GEN LAVNI NAN PEYI A POU JÈN YO. SE POU SA ANPIL NAN JÈN FANM AK GASON AP PRAN VWAL POU PEYI CHILI, BREZIL AK LÒT PEYI.

  Ositou, leta sa a, ni nan estrikti li, ni nan chapant li, nan karaktè ak nati li, pa pou nou! Li malman modle sou leta peyi lwès yo, peyi kolon yo nan sa yo rele “demokrasi reprezantativ” ki se anfèt yon GWO BLÒF ENTÈNASYONAL!

  Leta pa nou an pral yon federasyon nasyonal pwodiktè asosye egal ego.