Port-au-Prince, samedi 10 juin 2017 ((rezonodwes.com))– L’Association des Journalistes Conséquents et Professionnels (AJCP) dit condamner fermement l’agression, lundi après midi, du journaliste Yandy Frantz Fidèle de la radio Vision 2000 par des policiers de l’UDMO.
De l’avis du secrétaire général de l’AJCP, Esaue César, il est particulièrement préoccupant que la presse, soit traditionnellement la cible des policiers. Monsieur César, en ce sens, demande au chef de la PNH de donner des consignes aux agents de l’ordre afin que plus aucun journaliste ne soit victime de violences ou d’actes d’intimidation.
D’un autre côté, l’organisation appelle à un réajustement du salaire des travailleurs de la presse. Le secrétaire général de l’AJCP annonce toute une série de rencontre avec les patrons de medias en vue de parvenir à un parfait accord sur ce sujet.
Dieudonné ST-CYR
stcyr89@yahoo.fr
Nap viv nan yon rejim diktati boujwaz an pèmanans ann Ayiti. Demagoji demokrasi a se pou yon tan kote bagay yo kalm e pa gen lit revandikativ. Depi gen lit revandikativ, boujwazi a ap montre grif li ak ajisman kriminèl, sovaj lapolis kont sitwayen yo nan peyi a.
Ak divès segman nan pèp la kap leve kanpe, nou mèt atann nou gouvènman an ki osèvis enterè boujwa yo ak peyi kolon enperyalis yo pral itilize plis britalite, agresyon, zak entimidasyon, represyon ak laterè lapolis ak gang paramilitè sou popilasyon an. Bann chen mechan yo pral vare sou yon popilasyon san zam tankou dan pouri ki gen fòs sou bannann mi. BANN KRIMINÈL LACH YO!
Jodi a, AJCP ap denonse agresyon yon gang PNH/UDMO fè sou Yandy Frantz Fidèle, jounalis Vision 2000. Nou solidè ak jounalis la. An menm tan tou, nap di AJCP, antanke yo enstitisyon laprès, fòk yo gen kouraj tou denonse lòt zak agresyon gang ame yo rele PNH la ak lòt gang paramilitè pral fè sou rès popilasyon an kap mande rale yon souf sou pwodui premyè nesesite kap monte bwa ak chanjman nan kondisyon malouk yap viv nan peyi sa a. Kriminèl yo nan leta a pral pi fewòs, pi sanginè, pi sovaj, pi reyaksyoonè, e pi vyolan fas a popilasyon an kap revandike dwa demokratik yo ak meyè kondisyon lavi.