Ouvriye CNOHA yo apiye batay anplwaye Ed’H yo kont Presumé

0
157

Kominike – CNOHA pou apiye batay Travayè EDH fas ak rejim Tèt Kale a ki vle mete machann peyi Michel Présumé nan tèt Antrepriz Piblik Estratejik sa a

((rezonodwes.com))– Santral Nasyonal Ouvriye Ayisyen (CNOHA) ap swiv epi siveye maten midi swa tout vye mannèv rejim Tèt Kale a pou kapab fè yon sèl bouche ak EDH, menm jan yo te fè l ak kòb PetroCaribe a.

Prezidan Jovenel Moïse chwazi Michel Présumé, youn nan dilapidè lajan PetroCaribe-a pou kapab vin kontinye fè piyay sou resous peyi-a anndan EDH. Men EDH se zo ak san Travayè ki pa janm dekouraje, menm lè Leta ap maltrete Antrepriz Estratejik sa a. Travayè EDH yo pap kite kou sa pase. Mouche Présumé se yon move je nan peyi a. Se li ki toujou alatèt nan estrateji pou privatize Antrepriz piblik yo.

EDH se rezèv Antrepriz piblik ki poko privatize pou boujwa patripòch kontinye fè lajan sou do pèp Ayisyen. Mouche Jovenel Moïse pa genyen anyen pou l montre travayè ankò. Michel Présumé se yon chanpyon nan machann peyi. Gouvènman tyoul boujwa apatrid yo te deside pa janm envesti nan EDH, yon fason pou kite pwoblèmenèji elektrik peyi a anvlimen. Konsa y ap kapab fè kado Antrepriz la pou pay monnen, menm jan yo te fèli pou Teleko, Minotri, Siman d Ayiti, eltriye. Anpil travayè te pèdi travay yo.

Gouvènman Ayisyen  pa te gen okenn respè pou diyite ak lavi travayè yo ki te genyen responsabilite fanmi sou bra yo. CNOHA ak toutTravayè peyi d Ayiti k ap soufri ap denonse kout mal taye sa a rejim Phtk kale tèt la ap prepare kont Travayè EDH yo. CNOHA ap apiye tout desizyon k ap pran pou EDH ranfòse epi travay pi byen anfavè Pèp Ayisyen an.Santral Sendikal la kwè se Leta ki dwe jere epi pwopriyetè EDH. Jesyon an dwe fèt nan mete kanpe yonAdministrasyon konpetan ki vize enterè jeneral Pèp Ayisyen an. 

CNOHA apiye revandikasyon travayè EDH yo. Pa gen okenn dyalòg posib ak Michel Présumé ki se youn nan pi gwo bouwo travayè Ayisyen. N ap mande jovenel moïse pou l ranplase Michel Présumé nan tèt EDH.

Nonm sa pa genyen repitasyon bon sitwayen. Nan dosye EDH la, nou swete l ap resi tande rezon, li mèt pou yon sèl fwa nan lavi li.Jounen jodi-a pèp Ayisyen an,anplaye EDH yo ,manm FESTRDH yo dekouvri ke Michel se prensipal senbòl moun trèt kap likide ak dematle bwat piblik yo,mouche sa se yon ajan sektè prive li ye ,ki gen misyon kraze tout antrepriz piblik yo pou bay sektè prive mete jenou yo sou kou pèp ayisyen an.Yon moun tankou Michel présumé te dwe gentan jwenn repons deja pou krim li fè kont peyi-a. 

CNOHA denonse ak tout fòs li minis defakto MTPTC-a mouche Joasseus Nader ki voye yon group moun ak gro zam abiye ak inifòm lapolis nan lide pou al fè represyon sou anplwaye EDH yo ak manm Sendika FESTREDH yo .

CNOHA denonse vizit chanpwèl premye minis defakto-a , mouche jouthe joseph ki debake 27 jiyè 2020 an vin roule anplwaye EDH yo ak manm FESTRDH yo nan fari-n pou li ka revoke yo pil pa pil,lè  di ak manm FESTRDH yo, gen yon fim etranje nan peyi Turquie kap vin bay pèp ayisyen an kouran atravè EDH san okenn apèl dòf,nap di ak anplwaye EDH yo pa pran nan paròl dwategòch sa,poze tèt nou kesyon mande kote anplwaye teleco yo ,menotri ,siman dayiti elatriye. 

N ap di travayè EDH yo: batay nap mennen an se batay tout Pèp Ayisyen an ; se batay tout Travayè yo ;se batay mas defavorize yo. CNOHA ap kore nou jiskobou. EDH se patrimwàn tout Ayisyen.Nou pa vle Michel présumé machann peyi.Aba Michel présumé trèt ala nasyon yo anti nasyonal. 


Viv lit travayè EDH yo
Viv Ayiti .

Dominique ST ELOI
Kòdonatè Jeneral CNOHA

LEAVE A REPLY

Please enter your comment!
Please enter your name here

Ce site utilise Akismet pour réduire les indésirables. En savoir plus sur comment les données de vos commentaires sont utilisées.