Les Petrochallengeurs durcissent leur position et demandent à Jovenel Moïse de démissionner pour se mettre à la disposition de la justice

Suite à la publication du rapport partiel de la Cour Supérieure des Comptes et du Contentieux Administratif (CSCCA), les adeptes du Petro Challenge sont arrivés à la conclusion qu’avec le président Jovenel Moïse au pouvoir, le procès Petro Caribe se trouve compromis, car le chef de l’état fait partie de la liste de ceux qui ont participé à la dilapidation des fonds Petro Caribe. Ainsi, ils demandent au président de remettre sa démission et de se mettre à la disposition de la justice

Mercredi 13 février 2019 ((rezonodwes.com))– Nòt pou laprès

Petwo Chalennjè ki reyini nan inisyativ Nou Pap Dòmi an salye kouraj ak detèminasyon popilasyon an nan moman difisil sa peyi a ap travѐse.

Nou kondane zak vyolans ak represyon ki fѐt sou manifestan yo nan kad mouvman leve kanpe k ap fèt depi 7 fevriye. Nou konstate ak anpil desepsyon silans pouvwa a nan yon moman grav konsa lѐ nou konnen yo dwe pote repons bay popilasyon an.

Nou regrèt mouvman pwotestasyon popilasyon an pa pase dous kou ladoudous, lè n konstate anpil dega materyèl. Sa se rezilta pratik eksklizyon, mepri ak apated sosyal ki kòz viktim yo pa toujou ka pran rekil pou reflechi akòz sitiyasyon malouk y ap viv tankou : ensekirite, grangou, chomaj, dola k ap grenpe, elatriye.

Nou sezi wè yon franj nan sektè prive a kou politik la ki gen men yo tranpe nan kòripsyon, trafik enfliyans, dilapidasyon kòb Petrocaribe a ap parèt tèt yo tankou viktim epi ap pwopoze solisyon. Nou sezi wè tou jis nan ki nivo enjerans ak mank rezѐv CORE GROUP rive lè li pran pozisyon kont revandikasyon popilasyon an epi parѐt konplis kѐk aktѐ.

Gwoup sa yo, lè yo pa koupab, yo konplis nan aksyon yo depi plis pase 10 lane ki rive akouche kriz nou ye jodi a. Nou sezi wѐ yon seri ofisyèl nan 3 pouvwa Leta yo ap ranje kò yo pou vin pwofite yon sitiyasyon enkonpetans, neglijans ak malveyans pwòp yomenm kreye ankò.

Konjonkti a montre pèp la pa gen okenn konfyans nan dirijan yo ak lot aktѐ ki pa rive mete okenn pwojè sosyete vyab pou te anpeche nou tonbe nan kriz nou ye la a. Se pou tèt sa nap ekzije :

1. Prezidan Jovenel Moise demisyone pou li ka a dispozisyon lajistis. Sa ap voye yon siyal klè pou yon pwosè ekitab k ap jije epi kondane tout dilapidè yo, pandan nap asire nou akize yo rete vivan nan peyi a pou rive devan lajistis epi gen mezi konsevatwa ki pran kont yo

2. Koudèkont bay arèdebè nan ka moun ki merite li yo, fini 2zyèm pati rapò a epi dikte mach a suiv yo pou rès etap k ap mennen nan pwosè Petrocaribe a

3. Chavire sitèm sa a k ap simaye privilèj bay moun ki pa itil peyi a anyen pandan pèp la ap mouri anba move lavi.

Nou menm Petro Chalennjè ki reyini nan inisyativ Nou Pap Dòmi an, nou lanse yon mizangad kont tout sektè, nasyonal kou entènasyonal ekonomik oubyen politik, CORE GROUP la, pou yo konnen nou pa ta ka mennen kokennchenn batay sa a kont koripsyon/enpinite ak move kondisyon lavi, pou se ta nan men moun ki t ap pilote sistèm ki kale tout kalamite sa yo pou n ta ap chache solisyon.

Politisyen k ap tann tranzisyon, elit san konsyans, etranje, pap vin detounen nou sou objektif sa yo ke nou deja bay swè ak san nou pou yo a, nou pap pran nan eleksyon bouyi vide ak moun ki gen gwo lajan pewrokaribe a, ni okenn lòt lajan sal nan men yo. Nou mande pou pèp la rete vijilan pou nou pa batay pou granmèsi.

Ban nou kòb Petwo Karibe a! Nou Pap Dòmi !

Pou otantifikasyon : James BELTIS Velina Charlier Gaëlle Bien-Aimé Gilbert Miranbeau Jr Emmanuela DOUYON Obenson Joseph Gilbert Mirambeau Jr. Salvatory R. St Victor Lucia Dominique Pascale SOLAGES Moise Stevenson Wilson Jean-Baptiste Stephane Michel Katie-Flore Fils-Aimé Wilguens Pierre Daphney Valmond Bourgoin Etienne Jean Rollet Ann Di Mawon Stéphanie BOUCHER Fritz-son LALANE

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.