Petro Caribe : Une douzaine d’intellectuels se lancent dans la bataille

Dans une note publiée vendredi, une douzaine d’intellectuels haïtiens estiment que la bataille pour exiger la lumière sur l’utilisation des fonds Petro-Caribe est une lutte contre un système politique basé sur la corruption et l’impunité. Pour changer ce système, Wiliam Smarth, Michel Hector, Suzie Castor, Sabine Manigat, Frantz Grandoit, Jean Casimir, Sr Kesta Occident, Arnold Antonin, Colette Lespinasse, Claude Moise, Michel Legros et Ernest Bellande lancent un appel pour un rassemblement de toutes les forces progressistes afin de préparer une alternative pouvant mener vers une autre Haïti. Pour arriver à changer ce système, selon eux, il faut une conscience citoyenne, une conscience patriotique, une organisation, une direction politique…




Port-au-Prince, dimanche 14 octobre 2018 ((rezonodwes.com))– Sitwayen an nou kanpe!

Gen moman nan lavi yon pèp moun pa ka chita ap gade ankò. Fòk li pran wòl sitwayen l tout bon. Fòk li kanpe, fòk li leve, fòk li frape pyel atè, fòk li pyafe pou yo tande l. Fòk li angaje l ak tout lòt sitwayen nan peyi a pou di non. Abraham dwe di sètase.

Nan sistèm politik ayisyen an, se pa premye fwa dirijan yo ap vòlè lajan Leta. Menm apre 7 fevriye 86, se yon ti minorite dirijan ou ka konte sou dwèt ki pase e ki rete onèt nan travay yo nan fonksyon piblik la. Pi fò nan yo konsidere Leta kòm chwal papa. E sa rive fèt paske pa janm gen jistis, toujou gen enpinite e pèsonn pa janm rann kont. Jodi a sa rive twò lwen. Poul la rele. Pèp ayisyen pa vle chimen sa a ankò, chimen vòlè leta, chimen enpinite, chimen leta gangstè, leta bandi kote zotobre fè sal pito. Jenès peyi a, pèp ayisyen kounye a deside goumen pou yon lòt sosyete nan yon peyi oganize ki gen solidarite, pou yon peyi kote moun rann kont sa w fè.




Lè nou konsidere sans èd la, yon èd ki sòti nan asyèt yon pèp kap batay pou li viv menm jan avèk nou, yon pèp ki gen pye gwo peyi sou kou li e ki deside pataje ti sa li genyen an avèk nou malgre pwoblèm pa l;
lè nou konsidere sa yon seri peyi tankou Jamayik, Repiblik Donimikèn, kiba rive regle ak èd sa a : lopital, inivèsite, lekòl, wout, pon ak lot enfrasrikti pou devlopman peyi yo ;
lè nou konsidere awogans vòlè bo isit yo, mepri yo devan kondisyon mizè, malsite pèp la, kote moun ap mouri grangou, moun ap mouri paske pa gen lopital, jèn fi, jèn gason pa ka fini lekòl e sa ki fini pa ka rantre nan inivèsite, kote ouvriye,ouvriyez ap fin pwatrinè nan faktori ak yon salè mizè.
lè nou konsidere jan chomaj ak dezespwa ap pouse jenès la kouri kite peyi a ;
nou kapab di : moun ki manje lajan Petrokaribe yo se yon bann kriminèl san manman ki merite jije.Yo vòlè lajan de (2) pèp : lajan pèp venezyelyen ak lajan pèp ayisyen.

Se poutèt sa n ap mobilize pou laverite blayi sou lajan Petwokaribe a. Se pou sa nou apiye tout sèktè nan peyi ak tout popilasyon an ki deja pran pozisyon, tankou Konferans Evèk Katolik yo ak tout lòt enstitisyon relijye ki deja leve vwa yo. Nou di ayibobo pou jèn Petwochalenj yo kap mande kote kòb Petwo karibe a. Nan sans sa a nou bay jarèt ak tout fòs nou ak mouvman tout popilasyon an, ouvriye, pwofesyonèl, etidyan, elèv, machann, chomè, tout sektè nan peyi a tankou sendika, asosyasyon pwofesyonèl, asosyan komèsan elatriye kap patisipe san vyolans, san pwovokasyon nan manifestasyon 17 oktob la ki se yon dat istorik pou tout ayisyen. Fwa sa fòk LAJISTIS fè travay li.




Batay Petwokaribe a se batay kont yon sistèm politik ki chita sou koripson ak enpinite. Pou chanje sistèm sa a, fòk gen konsyans sitwayen, konsyans patriyotik, fòk gen oganizasyon, fòk gen direksyon politik. Fòk gen konviksyon fòk nou rasanble tout fòs kap goumen nan sans pou prepare yon alternativ ki ap mennen nou nan yon lòt Ayiti.

NOU PAP CHECHE KONT, NOU MANDE RANN NOU KONT.
Moun ki siyen

Nòt Solidarite vandredi 12 oktòb 2018

Moun ki siyen

Wiliam Smarth, Michel Hector, Suzie Castor, Sabine Manigat, Frantz Grandoit, Jean Casimir, Sr Kesta Occident, Arnold Antonin, Colette Lespinasse, Claude Moise, Michel Legros, Ernest Bellande

8 pensées sur “Petro Caribe : Une douzaine d’intellectuels se lancent dans la bataille

    • 15 octobre 2018 à 12:40
      Permalink

      Vit, fè bri kouri ou se yon entelektyel, epi siyen kotew vle. Pa blye fe bri kouri. Se sa tout entektyel nou yo te fe. OK?

      Répondre
  • 14 octobre 2018 à 11:07
    Permalink

    Pa Boule, Pa Touye, Se Fèt Papa Desalyn

    Pa boule, pa touye
    Fè kè Papa Desalyn kontan
    Pou fèt li. Fete, banbile, banboche
    Pèp la civilize epi li chaman
    Lapolis se piti pèp la
    Lapolis pap tire sou sè li
    Lapolis pap bat frè li
    Lapolis la pou pwoteje pèp la
    Arete vòlè yo pote yo bay Lapolis
    Mare yo pa two fò, pa bat yo
    Tout non ki sou lis la pral sou lè koulis
    You tout pral nan biro Lapolis
    Pa fè vyolans, pa kraze, pa di betiz
    Bare yo, pa brize, arete yo
    Pa joure, pa maltrete yo pliz, pliz
    Di la verite, san pa gen dwa koule
    Fete, fete, se fèt Papa Desalyn
    Pa boule, pa kraze, pa brize, pa touye
    Fè yo mache al Lasalyn
    Sou de vityelo yo
    Pa bat yo, pa krache sou yo
    Fete anivèsè Papa pèp la
    Fete, men pa bwè twop tafia
    Fòk yo bay tout kòb la
    Fòk yo konnen ke pèp la
    Pa renmen viv nan fatra
    Pèp la renmen santi bon tou
    Pèp la renmen sant Dolce & Gabbana
    Sou mayo, chemiz ak tout kò yo tou
    Charles Aznavour renmen Arménie
    Menm jan bon Ayisyen renmen peyi Dayiti
    Fete, selebre, men pa bwè twop tafia
    Fòk tout vòlè yo bay tout kòb la
    Pa boule, pa touye, se fèt Papa nou
    Nap montre tout moun ke nou gen lanmou
    Pou peyi nou, pou peyi Dayiti
    Pou tout moun ki pap vòlè e ki pap trayi
    Nap regle bizniz peyi nou, nap selebre
    Nap regle zafè pèp nou, nap fete
    Pa boule, pa kraze
    Pa brize, pa touye.

    Copyright © Oktòb 2018, Hébert Logerie, Tout dwa rezève
    Hébert Logerie se yon otè ki piblye plizyè liv de pwezi.
    Http: //www.poemhunter.com/hebert-logerie

    Répondre
    • 15 octobre 2018 à 10:24
      Permalink

      Mwen pa konprann Fèt sa ?..
      Jou yo asasinen yon moun
      Se jou fet li ???😂😂😂😂

      Répondre
  • 15 octobre 2018 à 8:52
    Permalink

    Se yon bagay konsa mtap tan! Pa rekile, kontinye chimen saa. Mregret yo pa mete kote pou lot moun siyen. Se twop mezanmi, fok peze souse saa sispan. Mesi a tout mout sa yo ki soti ak kokenchen inisyativ saa. Brovo pou nou, msiptel ak tout kem.

    Répondre
  • 15 octobre 2018 à 9:47
    Permalink

    Renmen peyi nou ak “PASSION “
    “P”ou
    “A”yiti
    “S”ispan
    “S”oufri
    “I”NITE
    “O”NETE
    “N”ECESE
    SI NOUS REVONS D’UNE NOUVELLE HAITI
    SOYONS HONNETES ET UNISSONS NOUS POUR LE BIEN. Pensons aux petits malheureux qui meritent d’etre mieux entoures et non d’etre exploites.
    Rendons Honneur a DESSALINES.
    Que les biens du pays servent au Bien-Etre
    du Peuple Haitien,et NON aux delapidateurs… SOYONS HONNETES.
    Doc PASSION.

    Répondre
  • 15 octobre 2018 à 10:35
    Permalink

    Pou moun kap mande kote pou yo siyen, ki regret yo pa mete kote pou lot moun siyen, gen yon PETISYON an liy POU YON PWOSE PETWOKARIBE A kote tou moun ki vle ka siyen PETISYON sa. Me lyen pou fè sa: https://www.change.org/p/jovenel-moise-pour-un-proces-petrocaribe?recruiter=165037124&utm_source=share_petition&utm_medium=copylink&utm_campaign=share_petition&utm_term=sign_checkbox.lightning_share_checkbox_quote.control&fbclid=IwAR3koEPIpQ530MM43KB6qNoYYHnjTl6NIZVyP472bweVVGgXPJ9Zkb_v32s

    Répondre
  • 15 octobre 2018 à 12:09
    Permalink

    J’approuve totalement cette i initiative. Je souhaite qu’elle trouve un écho retentissant dans tous nos environnements. Je suggère qu’on l’appelle  » pétro 17 octobre » pour pouvoir rejoindre le mouvement de contestation populaire actuel.

    Répondre

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

%d blogueurs aiment cette page :